Fara í efni

Fréttir

Hvað þýðir þessi sameining fyrir ungt fólk í Múlaþingi - ungmennaþing 2022

Ungmennaþing 2022 er þing fyrir nemendur í grunn- og framhaldsskólum Múlaþings. Er það ungmennaráð Múlaþings sem stendur fyrir þinginu og hefur séð um alla skipulagningu. Yfirskrift þingsins í ár er „Hvað þýðir sameining fyrir okkur?“ og er markmiðið að fá að heyra raddir ungmenna í Múlaþingi og á hvað þau vilja leggja áherslu varðandi umhverfis- og samgöngumál, íþrótta- og æskulýðsmál og grunnskóla og félagsmiðstöðvar.
Lesa

Regnbogagatan fær sína árlegu yfirhalningu

Regnbogagatan á Seyðisfirði var máluð eftir veturinn í gær, fimmtudaginn 28. apríl. Litrík gatan, sem hefur skipað sér stóran sess í huga fólks sem eitt af aðal myndefnum á Seyðisfirði, fær yfirhalningu á hverju vori. Þá eru allir velkomnir að taka þátt og mála, hvort sem um heimafólk er að ræða eða gesti.
Lesa

Nýr skólastjóri í Egilsstaðaskóla

Starf skólastjóra Egilsstaðaskóla var auglýst 25. mars sl. Sex umsóknir bárust. Kristín Guðlaug Magnúsdóttir hefur verið ráðin í starfið. Kristín hefur í rúm 30 ár starfað innan veggja grunnskóla, bæði sem kennari og stjórnandi. Frá árinu 2013 hefur Kristín verið aðstoðarskólastjóri Sunnulækjarskóla í Árborg en áður hafði hún verið deildarstjóri þar um fimm ára skeið.
Lesa

Upplýsingar vegna greiningar á skæðri fuglaflensu á Íslandi í apríl 2022

Ef vart verður við veika ósjálfbjarga fugla í nærumhverfi manna er möguleiki á að fuglinn sé veikur vegna smits af fuglaflensuveirunni. Almenningi er því ráðið frá að handleika veika fugla, en heldur beina erindi sínu til sveitarfélags, sem svo þarf að sjá til þess að gripið sé til aðgerða út frá dýravelferðarsjónarmiðum.
Lesa

Kynning á þeim sem gefa kost á sér til heimastjórna

Einstaklingum sem vilja gefa kost á sér til heimastjórna býðst að kynna sig og sín áherslumál á heimasíðu Múlaþings. Stofnaðar hafa verið sérstakar síður á mulathing.is þar sem upplýsingarnar verða birtar í stafrófsröð um þá einstaklinga sem þess óska og gefa kost á sér til setu í heimastjórn.
Lesa

Úthlutun leikskólaplássa á Héraði

Úthlutun leikskólaplássa á Héraði, það er fyrir leikskólanna Hádegishöfða og Tjarnarskóg, fór fram 19. apríl síðast liðinn. Alls var úthlutað 42 plássum en nokkuð var um umsóknir fyrir eldri börn sem eru að flytjast á svæðið og óskir um flutninginn á milli leikskólanna.
Lesa

Höttur í úrvalsdeild karla í körfuknattleik

Föstudaginn 22. maí síðastliðinn tryggði karlalið körfuknattleiksdeildar Hattar sér sæti í úrvalsdeild á næstkomandi tímabili með tæplega 30 stiga sigri á Álftanesi.
Lesa

Sundhöll Seyðisfjarðar – heitir pottar lokaðir um tíma

Vegna framkvæmda við nýjan heitan pott - Bö pottinn - verða því miður engir pottar opnir í Sundhöll Seyðisfjarðar fyrr en um eða upp úr miðjum maí. Það eru þó gleðifréttir fyrir Seyðfirðinga að hægt verði að sitja úti í heitum potti í sumar.
Lesa

Auglýsing um kjörskrár og kjörstaði

Kjörskrár vegna sveitarstjórnar- og heimastjórnarkosninga sem fram fara laugardaginn 14. maí 2022, munu liggja frammi almenningi til sýnis á skrifstofum Múlaþings, á Borgarfirði, Djúpavogi, Egilsstöðum og Seyðisfirði, á opnunartíma hverrar skrifstofu, frá og með mánudeginum 25. apríl til og með föstudeginum 13. maí 2022.
Lesa

Utankjörfundaratkvæðagreiðsla vegna sveitarstjórnarkosninga 14. maí 2022

Utankjörfundaratkvæðagreiðsla vegna sveitarstjórnarkosninga hófst á skrifstofum embættis sýslumannsins á Austurlandi þriðjudaginn 19. apríl s.l. Hægt er að greiða atkvæði utan kjörfundar á opnunartíma sýsluskrifstofa, mánudaga til fimmtudaga kl. 09:00-15:00, en föstudaga kl.09.00-14.00.
Lesa
Getum við bætt efni þessarar síðu?