Fréttir

Brúarásskóli á Fljótsdalshéraði fékk nú í vor afhentan nýjan Grænfána fyrir framúrskarandi frammistöðu í Grænfánaverkefninu svokallaða.

Múlaþing hefur samið við Arkibygg og exa nordic um fullnaðarhönnun á útsýnisstaðnum við Bjólf. Múlaþing hlaut styrk frá Framkvæmdasjóði Ferðamannastaða til að vinna áfram vinningstillöguna og stefnt er að því að hún verði tilbúin í haust.

Laus er til umsóknar staða forstöðuaðila íþróttamiðstöðvar á Djúpavogi frá 1. ágúst 2022.

Fyrir liggur tillaga að Strandsvæðisskipulagi Austfjarða 2022 sem kynnt er samkvæmt 12. gr. laga um skipulag haf- og strandsvæða nr. 88/2018. Fundur á Seyðisfirði verður haldinn í menningar- og félagsheimilinu Herðubreið, 28 júní klukkan 16:30-18:00.

Á fundi Björns Ingimarssonar sveitarstjóra Múlaþings og Sigurðar Guðmundssonar höfundar listaverksins Eggin í Gleðivík, 23. júní 2022, var ákveðið að vinna að flutningi listaverksins frá hafnarsvæðinu á annan stað við sjávarsíðuna á Djúpavogi.

Á síðasta fundi ungmennaráðs Múlaþings var samþykkt ályktun ungmennaþings 2022 og eins var farið yfir niðurstöður á bæði endurgjöf þinggesta og starfsfólks á skipulagi þingsins.

25. fundur Sveitarstjórnar Múlaþings verður haldinn í fundarsal sveitarstjórnar, Lyngási 12 Egilsstöðum, 29. júní 2022 og hefst klukkan 14:00.

Skógardagurinn mikli verður haldinn í sextánda sinn þann 25. júní. Hann var haldinn fyrst árið 2005 en féll niður síðustu tvö sumur vegna covid. Bergrún Arna Þorsteinsdóttir aðstoðarskógarvörður segir undirbúning hafa farið seint af stað í ár þar sem skipuleggjendur þorðu ekki að fara af stað fyrr en þeir sáu fram á að covid myndi ekki setja strik í reikninginn. Því hefur undirbúningur staðið skemur yfir en venjulega, en þó er engu til sparað og mikil tilhlökkun að fagna Skógardeginum á ný. Bergrún bendir á að dagurinn er mikið sameiningartákn landbúnaðargeirans: ,,Það má segja að þessi dagur sé einsdæmi á landsvísu því allur landbúnaðargeirinn á Austurlandi tekur höndum saman og mótar þennan dag. Skógarbændur, sauðfjárbændur, nautgripabændur og Skógræktin standa saman að deginum með styrkjum frá fyrirtækjum og velunnurum dagsins.“

Mögulega verða rafmagnstruflanir á Vopnafirði, á Héraði, Borgarfirði, Seyðisfirði og Mjóafirði fimmtudaginn 23. júní frá klukkan 09:00 til klukkan 18:00.

Nú höfum við tekið nýtt bókasafnskerfi í notkun. Kærar þakkir fyrir skilninginn og þolinmæðina síðustu vikur.