19.10.22
Fréttir
Endurnýjun á dvalarsvæði í miðbæ Egilsstaða
Ásýndin á dvalarsvæði í hjarta bæjarins hefur tekið stakkaskiptum á undanförnum dögum. Þessi reitur er neðarlega við Fagradalsbraut og tengir saman verslun og þjónustu við Kaupvang og Miðvang. Lagður var göngustígur í gegnum svæðið og dvalarsvæðið endurnýjað. Þá voru gerð ný gróðurbeð með blönduðum trjágróðri og runnum. Töluvert var sett niður af haustlaukum sem ættu að blómstra snemma næsta vor og í framhaldinu verður plantað fjölærum blómplöntum og sumarblómum í beðin næsta sumar.