Fara í efni

Eggin í Gleðivík

Eggin í Gleðivík eru útilistaverk á Djúpavogi eftir Sigurð Guðmundsson, einn fremsta listamann íslensku þjóðarinnar. Um er að ræða 34 eftirmyndir eggja jafn margra varpfugla í Djúpavogshreppi. Stærst er egg lómsins en lómurinn er einkennisfugl sveitarfélagsins.

Eggin standa á steyptum stólpum sem áður héldu uppi löndunarröri Bræðslunnar sem stendur innst í Gleðivík, meðan hún var starfrækt. Listaverkin endurspeglar tengingu Djúpavogshrepps við náttúruna og áhuga íbúa þess og gesta á því fjölbreytta fuglalífi sem þar fyrirfinnst.

Verkin voru vígð með formlegum hætti við Gleðivík 14. ágúst árið 2009 og eitt helsta aðdráttarafl bæjarins.

Nánari upplýsingar um Eggin í Gleðivík

Síðast uppfært 19. október 2020
Var efnið á síðunni hjálplegt?