Fara í efni

Tankurinn á Djúpavogi

Tankurinn á Djúpavogi er gamall lýsistankur sem staðið hefur ónýttur frá því Bræðslan á Djúpavogi hætti rekstri árið 2006. Hann stendur rétt innan við Bræðsluna í Gleðivík en síðustu ár hefur verið unnið að því að byggja þar upp allsherjar sýningarrými.

Tankurinn er nýjung í menningarlífi á Austurlandi og má einnig segja að það sé nýjung á landsvísu því ekki er vitað til þess að annarsstaðar sé gamall lýsistankur nýttur undir menningarviðburði. Þetta er því dæmi um skapandi frumkvöðlastarf í heimabyggð sem býður upp á óteljandi möguleika í nafni menningar og lista. Tækifæri gesta til að upplifa menningu á svæðinu aukast og tækifæri listamanna að koma list sinni á framfæri verða fjölbreyttari.

Tankurinn er því bæði atvinnuskapandi fyrir listamenn bæði innan og utan Djúpavogs og styður þar að auki vel við hugmyndafræði Cittaslow um fegrun umhverfis og nýtingu mannvirkja.

Síðast uppfært 11. október 2020
Var efnið á síðunni hjálplegt?