Reglur Múlaþings um garðslátt fyrir eldri borgara og öryrkja sumarið 2022
Eldri borgarar og öryrkjar í Múlaþingi geta átt rétt á allt að þremur gjaldfrjálsum garðsláttum yfir sumarið ef þeir uppfylla eftirtalin skilyrði:
- Umsækjandi eigi lögheimili í sveitarfélaginu Múlaþingi.
- Umsækjandi hafi ekki hærri tekjur en segir til um í flokki tvö í gjaldskrá stuðningsþjónustu Múlaþings: Fyrir árið 2022 er það kr. 527.880 á mánuði fyrir einstakling og kr. 844.608 á mánuði fyrir hjón.
- Lausafjáreign umsækjanda fari ekki yfir viðmiðunarfjárhæð lausafjáreigna skv. sömu gjaldskrá. Fyrir árið 2022 er viðmiðunarfjárhæðin 2.946.014 kr.
- Umsækjandi geti ekki sinnt garðslætti. Hægt er að óska eftir læknisvottorði því til staðfestingar.
- Þjónustan er að jafnaði ekki veitt ef aðrir heimilismenn, 18 ára og eldri, geta sinnt henni.
Samþykkt í sveitarstjórn Múlaþings 11. maí 2022.