Fjölskylduráð

Fjölskylduráð fer með málefni sem tengjast fræðslu, félagsþjónustu, velferð, frístundum og forvörnum í sveitarfélaginu. Ráðið gegnir mikilvægu hlutverki í þjónustu við börn, fjölskyldur og íbúa sveitarfélagsins og vinnur að því að stuðla að góðri velferð og menntun í samfélaginu.

Helstu verkefni fjölskylduráðs eru meðal annars að:

• fara með málefni leikskóla, grunnskóla og tónlistarskóla sveitarfélagsins
• sinna verkefnum á sviði félagsþjónustu og fjölskyldumála
• fara með málefni barna og barnaverndar
• sinna þjónustu og stuðningi við fatlað fólk með langvarandi stuðningsþarfir
• vinna að forvarnar- og frístundamálum sveitarfélagsins
• fjalla um velferðar- og þjónustumál sem sveitarstjórn felur ráðinu.

Í fjölskylduráði sitja sjö aðalmenn og jafnmargir varamenn. Þegar fræðslumál eru til umfjöllunar taka einnig þátt áheyrnarfulltrúar úr hópi skólastjórnenda sveitarfélagsins, starfsfólks og foreldra í leik-, grunn- og tónlistarskólum.

Fundir fjölskylduráðs eru að jafnaði haldnir á þriðjudögum. Íbúar geta sent inn erindi eða ábendingar til ráðsins og þurfa þau að berast í síðasta lagi miðvikudag fyrir viðkomandi fund. Mikilvægt er að erindin séu merkt fjölskylduráði. Erindi má skila á skrifstofur sveitarfélagsins eða senda á netfangið mulathing@mulathing.is.

Erindisbréf

Fundargerðir 

Fundadagatal sveitarstjórnar og fastanefnda