Sveitarstjórn

Sveitarfélagið er sjálfstætt stjórnvald sem starfar í þágu íbúanna. Það er rekið af sveitarstjórn sem kjörin er af íbúum í lýðræðislegum kosningum. Hlutverk sveitarfélagsins er að sinna sameiginlegum verkefnum samfélagsins og vinna að velferð og þjónustu fyrir íbúa á hverjum tíma. Sveitarfélagið getur einnig tekið að sér ýmis verkefni sem snerta hagsmuni íbúanna og stuðla að þróun og uppbyggingu samfélagsins.

Sveitarstjórn Múlaþings er skipuð ellefu kjörnum fulltrúum sem fara með stjórn sveitarfélagsins fyrir hönd íbúanna. Sveitarstjórnin tekur ákvarðanir um rekstur sveitarfélagsins, fjármál, þjónustu og framtíðarsýn samfélagsins. Hún starfar eftir sveitarstjórnarlögum.

Sveitarstjórn Múlaþings 2026-2030

Frá vinstri aftari röð: Einar Freyr Guðmundsson, Jónína Brynjólfsdóttir, Hólmfríður Rut Einarsdóttir, Helgi Hlynur Ásgrímsson, Lárus Bjarnason, Eiður Ragnarsson. Fremri röð frá vinstri: Ívar Karl Hafliðason, Glúmur Björnsson, Þórhildur Katrín Stefánsdóttir, Berglind Harpa Svavarsdóttir, Þórey Birna Jónsdóttir og Dagmar Ýr Stefánsdóttir sveitarstjóri.

Helstu verkefni sveitarstjórnar eru meðal annars að:

• móta stefnu og framtíðarsýn sveitarfélagsins
• hafa umsjón með fjármálum og fjárhagsáætlunum
• ákveða skipulag og starfsemi sveitarfélagsins
• ráða sveitarstjóra og skipa nefndir og ráð
• tryggja að þjónusta sveitarfélagsins sé góð og að hagsmunir íbúa séu hafðir að leiðarljósi
• veita íbúum upplýsingar um starfsemi sveitarfélagsins og þau mál sem varða samfélagið.

Sveitarstjórn staðfestir einnig reglur og starfsfyrirkomulag nefnda, ráða og stofnana sveitarfélagsins og hefur eftirlit með verkefnum og samstarfi sem sveitarfélagið tekur þátt í.

Sveitarstjórn fundar að jafnaði annan miðvikudag í hverjum mánuði. Íbúar geta sent inn erindi eða ábendingar til sveitarfélagsins fyrir fundi sveitarstjórnar, annaðhvort með því að skila þeim á skrifstofur sveitarfélagsins eða senda tölvupóst á netfangið mulathing@mulathing.is.

Málefnasamningur B og D lista 2026-2030 

Samþykkt um stjórn Múlaþings

Fundargerðir

Fundadagatal sveitarstjórnar og fastanefnda