Umhverfis- og framkvæmdaráð

Umhverfis- og framkvæmdaráð fer með málefni sem tengjast umhverfi, framkvæmdum, skipulagi og höfnum sveitarfélagsins. Ráðið gegnir mikilvægu hlutverki í uppbyggingu samfélagsins og vinnur að því að skapa öruggt, skipulagt og aðlaðandi umhverfi fyrir íbúa og atvinnulíf.

Helstu verkefni umhverfis- og framkvæmdaráðs eru meðal annars að:

• fara með málefni skipulags og uppbyggingar í sveitarfélaginu
• fjalla um framkvæmdir og viðhald mannvirkja og innviða
• sinna málefnum byggingarmála og mannvirkja
• hafa umsjón með umhverfis- og fegrunarmálum sveitarfélagsins
• fara með málefni hafna og hafnarstarfsemi sveitarfélagsins
• vinna að umferðaröryggi og umferðarfræðslu
• fjalla um verkefni og mál sem sveitarstjórn felur ráðinu.

Í umhverfis- og framkvæmdaráði sitja sjö aðalmenn og jafnmargir varamenn. Ráðinu er einnig heimilt að skipa starfshópa fyrir afmörkuð verkefni þegar þörf krefur.

Fundir umhverfis- og framkvæmdaráðs eru að jafnaði haldnir á mánudögum. Íbúar geta sent inn erindi eða ábendingar til ráðsins og þurfa þau að berast í síðasta lagi miðvikudag fyrir viðkomandi fund. Mikilvægt er að erindin séu merkt umhverfis- og framkvæmdaráði. Erindi má skila á skrifstofur sveitarfélagsins eða senda á netfangið mulathing@mulathing.is.

Erindisbréf

Fundargerðir

Fundadagatal sveitarstjórnar og fastanefnda