Ungmennaráð

Ungmennaráð Múlaþings er vettvangur fyrir ungt fólk til að hafa áhrif á samfélagið sitt og koma sjónarmiðum sínum á framfæri við sveitarfélagið. Í ráðinu sitja fulltrúar frá grunn- og framhaldsskólum sveitarfélagsins ásamt fulltrúum frá félagasamtökum. Alls sitja ellefu aðalmenn í ráðinu og jafnmargir varamenn.

Helstu hlutverk ungmennaráðs eru að:

• koma skoðunum og tillögum ungs fólks á framfæri við sveitarfélagið
• gæta hagsmuna ungs fólks og fjalla um mál sem snerta þau sérstaklega
• stuðla að virkri þátttöku ungs fólks í samfélaginu og lýðræðislegum vinnubrögðum
• auka þekkingu ungs fólks á stjórnsýslu sveitarfélagsins
• undirbúa árlegt þing ungs fólks í samstarfi við skóla og starfsfólk sveitarfélagsins
• vera ráðgefandi um starfsemi og framtíðarsýn félagsmiðstöðva sveitarfélagsins
• efla tengsl milli ungs fólks og sveitarfélagsins með umræðu og samstarfi innan skólasamfélagsins
• gera tillögur til sveitarstjórnar um málefni og stefnumótun í þágu ungs fólks.

Ungmennaráð gegnir mikilvægu hlutverki við að skapa vettvang þar sem rödd ungs fólks fær að heyrast og hefur áhrif á þróun samfélagsins.

Erindisbréf

Fundargerðir