Egilsstaðir

Drífa Magnúsdóttir, umsjónarkennari og leiðtogi Byrjendalæsis í Egilsstaðaskóla, fékk á dögunum viðurkenningu úr minningarsjóði Rósu Eggertsdóttur.

Nú þegar haustið er að skella á okkur er ýmislegt um að vera hjá Bókasafni Múlaþings. Safnið tekur eins og áður þátt í barnamenningarhátíðinni Bras og býður að þessu sinni upp á þrjár ritlistarsmiðjur með rithöfundinum Ævari Þór Benediktssyni.

BRAS, menningarhátíð barna og ungmenna á Austurlandi, hefst 21. september næstkomandi og stendur til 11. október. Þema hátíðarinnar í ár er Undur og furða og viðburðirnir opna undraheim sirkuslista, sæskrímsla, trölla, myndlistar, tónlistar, bókmennta og leikhúss svo eitthvað sé nefnt.

Margt skemmtilegt er fram undan í Sláturhúsinu Menningarmiðstöð á Egilsstöðum á næstu dögum; jazzveisla, opnun listasýningar og fjölskyldutónleikar.