Fara í efni

Íþróttamiðstöðvar og sundlaugar

Í sveitarfélaginu Múlaþingi er aðstaða til alls kyns íþróttaiðkunar mjög góð. Þrjár sundlaugar eru í sveitarfélaginu, fimleikahús, sparkhöll, líkamsræktarsalir og aðrir íþróttasalir í ýmsum stærðum. 

Íþróttamiðstöðin og sundlaugin á Djúpavogi

Íþróttamiðstöð Djúpavogs er vel búin tækjum og búnaði til hreyfingar og heilsueflingar. Vel búinn íþróttasalur, sundlaug með heitum pottum, þreksalur, ljósabekkur og sauna er meðal þess sem er í boði.

Vörðu 4
765 Djúpivogur
Sími: 470 8730
Netfang: dagur@djupivogur.is
Facebooksíða Íþróttamiðstöðvarinnar

Íþróttamiðstöðin, sundlaugin og Héraðsþrek á Egilsstöðum

Í Íþróttamiðstöðinni á Egilsstöðum er góð aðstaða fyrir ýmiss konar íþróttastarfsemi. Í henni er 1200 m² íþróttasalur sem hægt er að skipta niður í þrjár einingar. Salurinn er lagður parketi. Á efri hæð hússins er líkamsræktaraðstaða, Héraðsþrek, með góðum tækjum og í kjallara er lítill salur þar sem boðið er upp á ýmis konar leikfimi.

Íþróttamiðstöðin er einnig með fjölnota íþróttasal í Fellabæ. Hann er 323 m² og lagður parketi.
25 m útisundlaug er við íþróttamiðstöðina, með tveimur heitum pottum, köldu keri, vaðlaug, gufubaði og rennibraut.

Tjarnarbraut 26
700 Egilsstaðir
Sími: 470 0777
Netfang: karen@egilsstadir.is
Facebooksíða Íþróttamiðstöðvarinnar
Verðskrá og tímatöflur

Íþróttamiðstöðin Seyðisfirði

Íþróttamiðstöð Seyðisfjarðar var formlega tekin í notkun 1. febrúar 1999. Í stöðinni er löglegur handboltavöllur, 5 badmintonvellir, 2 körfuboltavellir, 3 blakvellir og 5 bocciavellir. Einnig er fullbúinn tækjasalur til líkamsræktar, gufa og heitur pottur.

Austurvegur 4
710 Seyðisfjörður
Sími: 470 2341
Netfang: ithrottahus@skolar.sfk.is
Vefsíða Íþróttamiðstöðvarinnar

Sundhöll Seyðisfjarðar

Sundhöll Seyðisfjarðar var byggð árið 1948 og var teiknuð af Guðjóni Samúelssyni húsameistara ríkisins. Hún var formlega opnuð 8. júli 1948 og varð því 70 ára árið 2018. Sundlaugin er innilaug 12,5 x 7 m, lítil en vinaleg, með tveimur heitum pottum (inni) og sauna. Hægt er að ganga út í garð og þar eru bekkir og stólar til að sóla sig á. Laugin er oft upphituð og því tilvalin fyrir ungbarnasund.

Suðurgötu 5
710 Seyðisfjörður
Sími: 470 2340
Netfang: sundholl@skolar.sfk.is
Vefsíða Sundhallarinnar

Sparkhöll Borgarfirði eystri og líkamsræktaraðstaða

Sparkhöll Borgfirðinga er glæsilegur yfirbyggður gervigrasvöllur sem byggður var árið 2008. Grasvöllurinn hefur nýst vel og ekki bara fyrir fótbolta því þar hefur einnig verið stundað golf, blak og badminton. Höllin opin öllum til frírra afnota. UMFB rekur einnig líkamsræktaraðstöðu á efri hæð Fjarðarborgar.

Sparkhöllin og Fjarðarborg
720 Borgarfirði eystri

Síðast uppfært 13. október 2020
Var efnið á síðunni hjálplegt?