Byggðarráð

Byggðarráð fer með framkvæmdastjórn og fjármálastjórn sveitarfélagsins ásamt sveitarstjóra og gegnir mikilvægu hlutverki í daglegri stjórnsýslu sveitarfélagsins. Ráðið hefur eftirlit með rekstri sveitarfélagsins og undirbýr mál sem fara fyrir sveitarstjórn.

Helstu verkefni byggðarráðs eru meðal annars að:

• hafa eftirlit með stjórnsýslu og fjármálum sveitarfélagsins
• undirbúa fjárhagsáætlanir og fylgja eftir rekstri sveitarfélagsins
• sjá til þess að ársreikningar sveitarfélagsins séu unnir og lagðir fyrir sveitarstjórn
• sinna atvinnu-, menningar- og húsnæðismálum sveitarfélagsins
• fara með verkefni á sviði jafnréttismála
• hafa umsjón með málefnum bókasafna sveitarfélagsins
• taka ákvarðanir í málum sem sveitarstjórn felur ráðinu að afgreiða.

Meðan sveitarstjórn er í leyfi fer byggðarráð með sömu heimildir og sveitarstjórn hefur að öðru leyti.

Fundir byggðarráðs eru að jafnaði haldnir á þriðjudögum. Íbúar geta sent inn erindi eða ábendingar til byggðarráðs og þurfa þau að berast í síðasta lagi miðvikudag fyrir viðkomandi fund. Mikilvægt er að erindin séu merkt byggðarráði. Erindi má skila á skrifstofur sveitarfélagsins eða senda á netfangið mulathing@mulathing.is.

Erindisbréf  

Fundargerðir

Fundadagatal sveitarstjórnar og fastanefnda