Þjónustumiðstöðvar Múlaþings

Framkvæmda- og umhverfismálastjóri ásamt starfsmönnum þjónustumiðstöðvar á hverjum stað, bera ábyrgð á þeirri þjónustu sem snýr að sveitarfélaginu vegna gatna og gangstíga.

Helstu verkefni þjónustumiðstöðva á þessu sviði eru:

• Snjómokstur, hálkueyðing og hreinsun gatna, gangstétta og göngustíga.
• Fyrirbyggjandi aðgerðir vegna kraps og vatnsaga.
• Aðrar aðgerðir til að tryggja örugga umferð gangandi vegfarenda og ökumanna eins og unnt er.
• Viðhald gatna, stíga og gangstétta.
• Heflun og ofaníburður malargatna.
• Viðhald og viðgerðir á bundnu slitlagi.
• Viðgerðir og endurnýjun gangstétta og stíga.
• Rekstur og viðhald umferðamerkinga, þar með talið yfirborðsmerkingar gatna, götumerkja og fleira.

Umhirða opinna svæða sveitarfélagsins er einnig í umsjá þjónustumiðstöðva og yfir sumartímann kemur starfsfólk vinnuskólans að því verkefni.

Garðyrkjustjóri Múlaþings hefur aðsetur í þjónustumiðstöð á Egilsstöðum. Hann hefur netfangið jon.arnarson@mulathing.is. Einnig er hægt að ná í hann í síma 854-2428.