Eldri borgarar

Félagsstarf

Líflegt og skemmtilegt félagsstarf fyrir eldri borgara fer fram á nokkrum stöðum í Múlaþingi fyrir tilstuðlan félaga eldri borgara.

• Tómstundastarf í Múlaþingi veturinn 2026-2027

Félagsmiðstöðvar

Hlymsdalir 

Hlymsdalir er félagsmiðstöð fyrir alla aldurshópa og er staðsett í Miðvangi 6 á Egilsstöðum. Félag eldri borgara á Fljótsdalshéraði hefur þar aðstöðu. Opið er frá klukkan 9:00-16:00 alla virka daga.

• Facebook síða Hlymsdala
• Facebook síða fyrir eldri borgara í Múlaþingi
• Heimasíða Félags eldri borgara á Fljótsdalshéraði
• Verklagsreglur fyrir afnot af Hlymsdölum (2022)

Tryggvabúð

Tryggvabúð er félagsaðstaða félags eldri borgara á Djúpavogi staðsett í Markarlandi 2. Opið er frá klukkan 10:00-16:00 mánudaga, miðvikudaga og fimmtudaga.

• Facebook síða Tryggvabúðar

Lækjartún

Lækjartún er félagsmiðstöð Framtíðarinnar, félags eldra fólks á Seyðisfirði, staðsett að Lækjargötu 2. Þar er enginn formlegur opnunartími heldur miðast við dagskrána sem félagið setur upp hverju sinni.

• Facebook síða Framtíðarinnar

Heilsuefling eldri borgara

• Tómstundastarf í Múlaþingi veturinn 2026-2027
• Heimasíða Bjarts lífstíls, hreyfing fyrir 60+

Stuðningsþjónusta

Stuðningsþjónusta felur í sér fjölbreytta aðstoð fyrir þá eldri borgara sem hafa þörf fyrir hana. Markmið þjónustunnar er að aðstoða og styrkja viðkomandi sem þarf aðstæðna sinna vegna á stuðningi að halda við heimilishald, athafnir dagslegs lífs og til þess að rjúfa félagslega einangrun. Efla sjálfshjálp og gera viðkomandi kleift að búa sem lengst í heimahúsi. Þjónustan getur verið heimsendur matur, aðstoð við persónulega umsjá og heimilishald, félagslegur stuðningur eða öryggisinnlit.

Umsóknir eldri borgara um stuðningsþjónustu er unnin í sameiginlegu teymi heimahjúkrunar Heilbrigðisstofnunar Austurlands og velferðarsviðs Múlaþings, samkvæmt samningi þar um.

Stuðningsþjónusta er veitt samkvæmt lögum nr. 49/1991 um félagsþjónustu sveitarfélaga og lögum nr. 38/2018 um þjónustu við fatlað fólk með langvarandi stuðningsþarfir.

Hægt er að óska eftir viðtali við ráðgjafa velferðar á fjölskyldusviði með því að hringja í síma Múlaþings 4 700 700 eða senda tölvupóst á netfangið mulathing@mulathing.is.

• Tengill á stuðningsþjónustureglur
• Tengill á umsókn um stuðningsþjónustu
• Tengill á gjaldskrá stuðningsþjónustu

Dagdvöl

Dagdvöl aldraðra er stuðningsúrræði við þá sem að staðaldri þurfa eftirlit og umsjá til að geta búið áfram heima. Markmið þjónustunnar er að eldra fólk geti notið persónulegrar aðstoðar í notalegu umhverfi þar sem bæði félagslegum og líkamlegum þörfum þess er mætt.

Múlaþing rekur dagdvöl á tveimur stöðum í sveitarfélaginu. Annars vegar í Hlymsdölum, Miðvangi 6, Egilsstöðum og hins vegar í Tryggvabúð, Markarlandi 2, Djúpavogi.

Í lögum nr. 125/1999 um málefni aldraðra og reglugerð nr. 1245/2016 um dagdvöl aldraðra er kveðið á um dagdvöl sem stuðningsúrræði.

Frekari upplýsingar veita ráðgjafa velferðar á fjölskyldusviði í síma 4 700 700 eða í tölvupósti á mulathing@mulathing.is.

• Umsókn um dagdvöl
• Tengill á reglur Múlaþings um dagdvöl
• Tengill á gjaldskrá fyrir stuðningsþjónustu í Múlaþingi

Búseta

Leiguíbúðir fyrir eldri borgara í Múlaþingi eru staðsettar á Egilsstöðum og á Seyðisfirði.

Ársalir bs.

Ársalir bs. er sameiginlegt félag tveggja sveitarfélaga, Múlaþings og Fljótsdalshrepps. Tilgangur félagsins er að byggja, kaupa og eiga og hafa umsjón með rekstri leiguhúsnæðis til íbúa 60 ára og eldri á starfssvæði félagsins. Félagið er ekki rekið í hagnaðarskyni.

Leiguíbúðir Ársala eru á Egilsstöðum í:

• Hamragerði 5, þar eru fimm tveggja herbergja íbúðir og sjö þriggja herbergja íbúðir.
• Lagarási 17, þar eru sex einstaklingsíbúðir.
• Lagarási 21-39, þar eru tíu tveggja herbergja íbúðir.

Frekari upplýsingar veitir Helga Þórarinsdóttir, deildarstjóri félagslegrar ráðgjafar og stuðnings, í síma 4 700 700 í tölvupóst á netfanginu helga.thorarinsdottir@mulathing.is.

• Tengill á umsókn hjá Ársölum bs.
• Tengill á samþykktir fyrir Ársali bs.

Múlavegur 18-40 á Seyðisfirði

Íbúðir Múlaþings á Múlavegi eru að öllu jöfnu ætlaðar einstaklingum 67 ára eða eldri. Markmið með úthlutun íbúðanna er að gefa öldruðum einstaklingum í Múlaþingi kost á að leigja aðgengilega íbúð, einkum þegar félagslegar- og heilsufarslegar aðstæður valda því að núverandi búseta hentar ekki og önnur úrræði í búsetumálum fást ekki.

Frekari upplýsingar veita ráðgjafa velferðar á fjölskyldusviði í síma 4 700 700 eða í tölvupósti á mulathing@mulathing.is.

• Tengill á umsókn um leiguíbúð fyrir eldri borgara á Múlavegi á Seyðisfirði (Umsókn um félagslega leiguíbúð)
• Tengill á reglur Múlaþings um úthlutun íbúða eldri borgara á Múlavegi á Seyðisfirði

Hjúkrunarheimili

Heilbrigðisstofnun Austurlands (HSA) rekur sex hjúkrunarheimili, þar af þrjú í Múlaþingi.

Sækja þarf um færni- og heilsumat til að eiga möguleika á dvöl á hjúkrunarheimili. Umsókn um færni- og heilsumat skal aðeins lögð fram ef félagsleg heimaþjónusta, heimahjúkrun og önnur raunhæf úrræði og aðstoð sem eiga að styðja fólk til búsetu í heimahúsi eru fullreynd. Umsóknareyðublað má finna á www.landlaeknir.is.

Nánari upplýsingar um hjúkrunarheimili er að finna á heimasíðu stofnunarinnar: https://island.is/s/hsa/oeldrunarthjonusta-hsa.

Öldungaráð

Öldungaráð er samráðsvettvangur um þjónustu við aldraða og þróun öldrunarmála innan sveitarfélagsins Múlaþings. Á vettvangi öldungaráðs fer fram samráð um almenna stefnumótun og áætlanagerð Múlaþings í málum sem varða íbúa sem eru 67 ára og eldri.

Öldungaráð skal hafa eftirtalin verkefni á starfssvæði sínu:

• Að fylgjast með heilsufari og félagslegri velferð aldraðra og samhæfa þjónustu.
• Að gera tillögur til fjölskylduráðs og sveitarstjórnar um öldrunarþjónustu og stefnumörkun í málaflokknum.
• Leitast við að tryggja að aldraðir fái þá þjónustu sem þeir þarfnast og kynna öldruðum þá kosti sem í boði eru.
• Að gæta hagsmuna íbúa 67 ára og eldri í sveitarfélaginu.
• Að vera til samráðs um þau mál sem nefndir og ráð sveitarfélagsins óska hverju sinni, ásamt því að taka til umfjöllunar að eigin frumkvæði þau mál sem ráðið telur mikilvæg og falla undir hlutverk og markmið ráðsins.
• Veita umsögn um framkvæmdaleyfi fyrir dagdvöl eða stofnun fyrir aldraða innan sveitarfélagsins.

Öldungaráð er skipað átta fulltrúum og jafn mörgum til vara. Kjörtímabil er hið sama og sveitarstjórnar. Öldungaráð fundar alla jafna þrisvar sinnum á ári; í janúar, maí og september.