Heimastjórn Seyðisfjarðar

Heimastjórn Seyðisfjarðar vinnur að því að tryggja áhrif og þátttöku íbúa í málefnum sem varða nærumhverfi og samfélagið á Seyðisfirði. Heimastjórnin gegnir mikilvægu hlutverki sem tengiliður milli íbúa og sveitarstjórnar og getur komið málefnum og áherslum heimamanna á dagskrá sveitarfélagsins.

Helstu verkefni heimastjórnar eru meðal annars að:

• fjalla um skipulags- og umhverfismál á svæðinu
• sinna málefnum sem tengjast menningu og samfélagslífi
• fjalla um landbúnaðar- og atvinnumál
• veita umsagnir um staðbundin málefni og leyfisveitingar
• koma á framfæri sjónarmiðum og áherslum íbúa til sveitarstjórnar
• sinna hlutverki náttúruverndarnefndar.

Heimastjórn fundar að jafnaði fyrsta fimmtudag í mánuði. Íbúar geta sent inn erindi eða ábendingar til heimastjórnar og þurfa þau að berast í síðasta lagi fjórum dögum fyrir viðkomandi fund. Mikilvægt er að erindin séu merkt heimastjórn. Erindi má skila á skrifstofur sveitarfélagsins eða senda á netfang sveitarfélagsins eða starfsmanns heimastjórnar.

Starfsmaður heimastjórnar Seyðisfjarðar er Inga Þorvaldsdóttir og hún er með netfangið: inga.thorvaldsdottir@mulathing.is.

Erindisbréf

Fundagerðir