Skortur á sérfræðingum í sveitarfélögum

Fyrir liggur ábending þar sem fram kemur að sveitarfélög geti gert tillögur til stjórnvalda varðandi ívilnanir er leiði til þess að sérfræðimenntað fólk leiti frekar starfa á viðkomandi svæði.

Eftirfarandi tillaga lögð fram:
Byggðaráð Múlaþings felur sveitarstjóra að fara yfir framkomnar ábendingar með fulltrúum HSA. Málið verði tekið fyrir að nýju í byggðaráði að þeirri yfirferð lokinni verði niðurstaðan sú að gera skuli tillögu til stjórnvalda varðandi ívilnanir er leiði til fjölgunar sérfræðimenntaðs fólks til starfa innan sveitarfélagsins.

Samþykkt samhljóða með handauppréttingu.