Samningur um samstarf um fagháskólanám í leikskólafræði

Málsnúmer 202306136

Fjölskylduráð Múlaþings - 136. fundur - 24.06.2025

Fyrir liggur erindi frá leikskólastjóra Tjarnarskógar, Sigríði Herdísi Pálsdóttur, dagsett 19. júní 2025. Í erindinu er óskað eftir áframhaldandi stuðningi sveitarfélagsins við starfsþróun starfsfólks. Um er að ræða starfsfólk sem þegar hefur lokið fagháskólanámi og stefnir á áframhaldandi nám til að öðlast réttindi sem leikskólakennarar.

Fjölskylduráð samþykkir að veita aukinn stuðning við starfsfólk leikskóla sem stunduðu fagháskólanám í leikskólafræðum og ætla í áframhaldandi nám í leikskólakennarafræðum 2025-2026. Markmið ráðsins með þessum stuðningi er að styrkja fagmennsku innan leikskólanna með því að stuðla að fjölgun leikskólakennara. Fjölskylduráð óskar starfsfólkinu góðs gengis.

Fjölskylduráð samþykkir samhljóða með handauppréttingu.