Fara í efni

Cittaslow, Djúpavogi

Djúpivogur varð aðili að Cittaslow-hreyfingunni árið 2013.

Í víðasta skilningi er markmið Cittaslow-hreyfingarinnar að auka lífsgæði og ánægju fólks með því að veita hnattvæðingu, einsleitni og hraðaáráttu í borgum og bæjum nútímans viðnám og heiðra þess í stað sérstöðu, vitund og sjálfbærni. Til að mæta þessu markmiði leggja stefnumið Cittaslow áherslu á verndun náttúru og menningarminja, fegrun umhverfis, umhverfisgæði, notkun á nýjustu tækni í þágu samfélagsins, eflingu staðbundinnar matarmenningar og framleiðslu, öryggi og aðgengi, sem og gestrisni, kurteisi og vinsamlegt viðmót.

Á Djúpavogi er lögð áhersla á sérstöðu náttúrunnar, t.d. með friðlýsingum á náttúru- og menningarminjum á fjölmörgum svæðum sbr. Teigarhorn. Flokkun og endurvinnsla sorps hefur verið innleidd ásamt því sem stór skref hafa verið tekin til fegrunar umhverfis. Leitað hefur verið leiða til að finna gömlum byggingum nýtt hlutverk. Lögð er áhersla á að tryggja fjölbreytni í atvinnumálum þar sem lítil og meðalstór fyrirtæki með vistvænan atvinnurekstur eru sérstaklega boðin velkomin.

Skólar á svæðinu starfa undir merkjum Grænfánans, og kaffi- og veitingahús leggja sig fram um að bjóða upp á staðbundið hráefni og framreiðslu. Auk þess að horfa til lífræns landbúnaðar og afurða úr sveitum Djúpavogshrepps er sérstaklega lögð áhersla á sjávartengdar afurðir og strandmenningu m.a. með það fyrir augum að koma sögu sjávarútvegs og útgerðar á svæðinu á framfæri í máli og myndum, t.d. á hafnarsvæði Djúpavogs. Þá er hvatt til íþróttaþátttöku og félagslegra samskipta með margvíslegum uppákomum, samkomu- og mótahaldi, svo fátt eitt sé talið.

Nánari upplýsingar um Djúpavog og Cittaslow

Uppbygging á Faktorshúsinu á Djúpavogi

Múlaþing auglýsir eftir samstarfsaðilum vegna uppbyggingar á Faktorshúsinu á Djúpavogi.
Lesa

Laust starf í Tryggvabúð, Djúpavogi

Múlaþing auglýsir 60% starf umsjónaraðila í Tryggvabúð frá 1. mars 2023.
Lesa

Úthlutun úr Snorrasjóði

Síðastliðinn fimmtudag fór fram úthlutun úr Snorrasjóði og er þetta í fjórða sinn sem styrkur er veittur úr sjóðnum. Snorrasjóður var stofnaður árið 2019 af frumkvæði Gunnþóru Gísladóttur frá Papey til minningar um Snorra Gíslason bróður sinn og tilgangur sjóðsins er að styrkja ungt fólk úr Djúpavogshreppi til náms.
Lesa

Samráðshópur um Cittaslow á Djúpavogi

Fyrirhugað er að setja á stofn samráðshóp um Cittaslow á Djúpavogi með það að markmiði að efla vitund og starf í anda Cittaslow á svæðinu. Samráðshópurinn verður skipaður þremur fulltrúum og þremur til vara sem skipaðir verða í kjölfar auglýsingar. Samráðshópur um Cittaslow fundar að jafnaði 2-4 á á ári, að vori og að hausti.
Lesa

Leikskólinn Bjarkatún á Djúpavogi tók við grænfánanum í fimmta sinn af Landvernd

Leikskólinn Bjarkatún á Djúpavogi tók við grænfánanum í fimmta sinn af Landvernd en unnið hefur verið ötullega að grænfánastarfi síðustu ár.
Lesa

Heimkoma fyrsta kvenljósmyndara á Íslandi

Í dag eru 150 ár liðin frá því að fyrsti kvenljósmyndarinn á Íslandi, Nicoline Weywadt, sneri til baka til Djúpavogs frá námi í Danmörku. Heimkoma Nicoline markaði tímamót í atvinnusögu kvenna á íslandi.
Lesa

Cittaslow sunnudagur - Ný dagsetning

Djúpivogur er aðili að alþjóðlegu Cittaslow samtökunum og leggur áherslu á gildin sem þar eru höfð í heiðri, sérkenni svæðisins og menningu þess.
Lesa

FRESTAÐ: Cittaslow sunnudagur á Djúpavogi

Djúpivogur er aðili að alþjóðlegu Cittaslow samtökunum og leggur áherslu á gildin sem þar eru höfð í heiðri, sérkenni svæðisins og menningu þess. Síðasta sunnudag í september fögnum við því að vera Cittaslow og því að enginn annar staður er alveg eins og Djúpivogur. Kíktu við og kynntu þér hvað hér er um að vera og gera!
Lesa

Óskað eftir þátttakendum á Cittaslow sunnudegi

Cittaslow sunnudagur er haldinn ár hvert, í öllum aðildarbæjum Cittaslow, síðasta sunnudag í september.
Lesa

Cittaslow bæir taka höndum saman fyrir Úkraínu

Hægt er að leggja Úkraínumönnum lið í gegnum sameiginlega söfnun Cittaslow bæja.
Lesa
Getum við bætt efni þessarar síðu?