Barnavernd

Öll börn eiga rétt á vernd og umönnun og skulu njóta réttinda í samræmi við aldur sinn og þroska. Einstaklingar teljast börn til 18 ára aldurs. Foreldrum ber að sýna börnum sínum umhyggju og nærgætni og ber þeim að gegna forsjár- og uppeldisskyldum við börn sín svo sem best hentar hag og þörfum þeirra. Foreldrum ber að búa börnum sínum viðunandi uppeldisaðstæður og gæta velfarnaðar þeirra í hvívetna.

Barnaverndartilkynningar

Samkvæmt barnaverndarlögum er hverjum þeim sem hafa ástæðu til að ætla að barn búi við aðstæður sem eru á einhvern hátt óviðunandi eða hafa neikvæð áhrif á heilsu þess, líðan eða þroska er skylt að tilkynna það til barnaverndarþjónustu. Einnig er skylt að tilkynna ef grunur leikur á að lífi ófædds barns sé stofnað í hættu.

Ef þú telur að barn búi við aðstæður sem eru á einhvern hátt óviðunandi eða hafa neikvæð áhrif á heilsu þess, líðan eða þroska ættir þú að senda tilkynningu til barnaverndar. 

Ef þú telur að barn sé í hættu og málið þolir ekki bið skalt þú hringja strax í 112.

Almenningur

Almenningur getur tilkynnt til barnaverndarþjónustu undir nafnleynd, það þýðir að þó að starfsmaður barnaverndar fær upplýsingar um tilkynnanda en heldur því leyndu fyrir þeim sem málið snýr að.

Tilkynning - Almenningur

Stofnanir og félagasamtök

Þau sem hafa afskipti af börnum svo sem starfsmenn leikskóla, skóla, frístunda, heilbrigðisstofnana, sjálfstætt starfandi sérfræðingar o.s.frv., er skylt að tilkynna til barnaverndar en þessir aðilar geta ekki tilkynnt undir nafnleynd.

Tilkynning - Stofnanir og félagasamtök

Hafa samband

Hægt er að ná í starfsmenn barnaverndar á skrifstofutíma frá kl. 8:00-15:30 og föstudaga frá kl. 8.00-13.30 með því að hringja í þjónustuver Múlaþings í síma 4 700 700 eða senda tölvupóst á netfangið barnavernd@mulathing.is. Bakvakt barnaverndarþjónusta Múlaþings sinnir neyðartilvikum utan skrifstofutíma.

Verklag og vinnsla barnaverndarþjónustu

Barnaverndarþjónusta Múlaþings starfar samkvæmt barnaverndarlögum nr. 80/2002. Markmið laganna er að tryggja að börn sem búa við óviðunandi aðstæður eða börn sem stofna heilsi sinni og þroska í hættu fái nauðsynlega aðstoð. Það er hlutverk barnaverndar að leitast við að ná markmiðum laganna með því að styrkja fjölskyldur í uppeldishlutverki sínu og beita þeim ráðstöfunum sem ætla má að séu barni fyrir bestu.

Þegar barnaverndarþjónusta hefur fengið tilkynningu um barn hefur hún sjö daga til að taka afstöðu til þess hvort rétt sé að hefja könnun máls samkvæmt 21. gr. barnaverndarlaga. Foreldrar barns eru alla jafna látnir vita af tilkynningunni og hvaða ákvörðun var tekin í framhaldinu. Undantekning á því er ef barn er talið vera í hættu í umsjá foreldra og það er talið þjóna hagsmunum barnsins að foreldri viti ekki af tilkynningunni að svo stöddu. Sé talin ástæða til að ætla að barn búi við óviðunandi uppeldisskilyrði eða stefni heilsu sinni eða þroska í hættu er tekin ákvörðun um að hefja könnun á aðstæðum barns. Leitast skal við að afla sem gleggstra upplýsinga um hagi og aðstæður barnsins en þess þó gætt að könnunin sé ekki umfangsmeiri en þörf krefur. Könnun er að öllu jöfnu unnin í samráði við foreldra og skal að jafnaði ekki taka lengri tíma en þrjá mánuði. Starfsfólk barnaverndar tekur afstöðu til þess hvort ástæða sé til frekari aðgerða til stuðnings fjölskyldunni eða hvort afskiptum ljúki að könnun lokinni.

Leiði könnun á aðstæðum barnsins í ljós að fjölskyldan þarfnist stuðning á grundvelli barnaverndarlaga er gerð áætlum um meðferð máls. Áhersla er lögð á samvinnu við foreldra og börn um stuðningsúrræði og önnur inngrip af hálfu barnaverndarþjónustu. Áætlanir í málum barns í barnaverndarþjónustu eru einstaklingsbundnar og sniðnar að þörfum hvers og eins.

Úrræði til stuðnings og verndar börnum og ungmennum af hálfu barnaverndarþjónustu Múlaþings eru m.a.

Þjónustusvæði

Barnaverndarþjónusta Múlaþings þjónustar auk Múlaþings, Vopnafjarðarhrepp og Fljótsdalshrepp.