Heimastjórn Seyðisfjarðar

Heimastjórn Þakkar Jóni fyrir komuna og gott samtal um störf ungmenna og fegrun umhverfis á liðnu sumri. Heimastjórn fagnar því að vinna við skipulag og undirbúning næsta sumars sé farin af stað.

Lagt fram til kynningar

Framkvæmdir í Herðubreið: Framkvæmdir í Herðubreið eru á lokametrunum. Verið er m.a. að klára tengingu á nýrri hurð sem komin er upp í aðalinngangi, hurð að austan verðu ætti að koma upp úr miðjum nóv, brunavarnir alveg að klárast og er svo stefnt á að hægt verði að fara í vinnu við að setja upp „nýju“ bíóstólana fljótlega eftir áramótin.

Skemmtiferðaskip: Á þessu ári komu 91 skip til Seyðisfjarðar. Fjöldi farþega var 92.411 og áhafnameðlimir töldu 41.509. Tekjurnar af þessum skipum námu 204.011.357 kr. Á næsta ári eru 88 komur bókaðar.

Íbúafundur heimastjórnar: Haldinn var íbúafundur heimastjórnar 28.október sl. þar sem mæting var góð en alls mættu um 50 - 60 manns.
Hugrún Hjálmarsdóttir fór yfir og kynnti uppfærðar teikningar að nýbyggingu skólans. Áætlað er að hönnun og útboðsgögn verði tilbúin í maí 2026 og framkvæmdir geti hafist í júlí næsta sumar.
Atvinnu mál voru til umræðu á fundinum og þar kom m.a. fram að Fjarðarheiðargöng skipta gríðarlegu máli í framtíðaruppbyggingu og atvinnumálum fyrir Seyðisfjörð sem og sveitarfélagið í heild.
Sveitarstjóri fór lauslega yfir stöðuna m.a. hvernig mál standa með verkefnið sem samráðshópur um framtíðaruppbyggingu atvinnulífs á Seyðisfirði vann að. Stefnir sveitarstjóri á fund með Gunnþóri Ingvasyni framkvæmdastjóra Síldarvinnslunnar á næstu dögum.
Urður Gunnarsdóttir verkefnastjóri Austurbrúar fór yfir tölulegar upplýsingar um atvinnulífið á Seyðisfirði. Farið var m.a. yfir hvers konar starfsemi er í bænum ? þróun og fjölda starfsmanna eftir atvinnugreinum 2020-2025 og sveiflur í atvinnulífinu.

Fundurinn gekk vel og var fólk almennt ánægt með spjallið.