Endurbygging löndunarbryggju í Borgarfjarðarhöfn

Hafnadeild Vegagerðarinnar hefur yfirumsjón með verkinu og sá um útboð á því. Tvö tilboð bárust og hefur tilboði Úlfsstaða ehf., sem var lægstbjóðandi, verið tekið og var verksamningur undirritaður á fundinum. Úlfsstaðir sáu einnig um smíði nýju löndunarbryggjunnar árið 2024.

Lagt fram til kynningar.

Þegar hafist var handa kom í ljós að bryggjan er í mun verra ástandi en áður var talið og ekki mun reynast hægt að byggja utan um hana eins og til stóð heldur þarf að endurbyggja fremsta hluta hennar. Verið er að leggja lokahönd á nýja hönnun og verktakar hafa hreinsað burt ónýta hlutann og tryggt vettvang. Enn er stefnt að verklokum á tilsettum tíma, um áramót.

Heimastjórn hefur áhyggjur af því hve verkið hefur dregist inn í haustið en bindur vonir við að það gangi hratt og örugglega fyrir sig.

Samþykkt samhljóða án atkvæðagreiðslu.