Nú höfum við tekið nýtt bókasafnskerfi í notkun. Kærar þakkir fyrir skilninginn og þolinmæðina síðustu vikur.
Ýmislegt breytist við þetta og eitt af því er að leitargáttin leitir.is hefur verið uppfærð.
Allir lánþegar þurfa að búa til ný lykilorð inn á leitir.is og munu sömu lykilorð gilda inn á Rafbókasafnið.
Á þessari slóð er að finna myndband sem sýnir hvernig nýtt leitarorð er búið til.
Almenningsbókasöfnum landsins hefur verið úthlutað sérstöku svæði inni á leitir.is þar sem hægt er að leita einungis í efni síns safns.
Leita í safnkosti Bókasafns Héraðsbúa
Leita í safnkosti Bókasafns Seyðisfjarðar
Leita í safnkosti Bókasafns Djúpavogs
Einnig er hægt að leita í öllum almenningsbókasöfnum á Austurlandi
En við ítrekum að leitir.is er allsherjar leitargátt sem heldur utan um efni að íslenskum bóka-, lista-, minja- og ljósmyndasöfnum. Hægt er að finna bækur, tímarit, tímaritsgreinar, tónlist, myndefni, muni, listaverk, ljósmyndir og fleira.
Verið velkomin til okkar og við aðstoðum eins og þörf er á.
Með sumarkveðju,
starfsfólk bókasafna Múlaþings.
