Framboð í heimastjórn Borgarfjarðar

Ég hef búið á Borgarfirði í sex ár og á tvö börn í leikskóla.

Ég rek ferðaþjónustufyrirtæki og stunda uppbyggingu innviða fyrir ferðaþjónustu og útivist og hef starfað mikið á Borgarfirði síðustu tíu ár. Frá 2021 til 2025 rak ég tjaldsvæði Borgarfjarðar.

Ég brenn mikið fyrir uppbyggingu þorpsins og svæðisins í kring, sérstaklega með tilliti til ferðaþjónustu og lýðheilsu í gegnum útivist.

Einnig eru mér mikilvæg málefni barna, öryggis og skipulags þorpsins til að hámarka lífsgæði þeirra og annarra íbúa með áherslu á græn svæði, leiksvæði og samfélagslega samkomustaði.

Ég er frekar handlaginn og stunda garðyrkju, skógrækt og eyði flestum stundum úti í náttúrunni annað hvort fótgangandi eða á hjóli.

Býð mig fram til áframhaldandi setu í heimastjórn Borgarfjarðar.

Þið þekkið mig.

Mig langar að gera gagn. Ég hef áhuga á mörgu sem sveitarfélagið er að gera og held ég geti hjálpað til með eitthvað af því.

Mér finnst að heimastjórnin eigi að vera mjög virk og langar að setja mig betur inn í öll málefni sem við koma heimastjórn Borgarfjarðar.

Svo finnst fólki yfirleitt gaman að skamma mig svo ég er vanur því.

Mig langaði að bjóða mig fram í heimastjórn til að leggja mitt af mörkum til áframhaldandi uppbyggingar í samfélaginu okkar og vinna að því sem gagnast Borgarfirði og íbúum hans best.