Sveitarstjórn Djúpavogs

Sveitarstjórn Djúpavogshrepps: Fundargerð 30.06.2014

1. fundur 2014 – 2018

Fundur var haldinn í sveitarstjórn Djúpavogshrepps mánudaginn 30. júní 2014 kl. 16:00. 

Fundarstaður: Geysir.

Mætt voru: Andrés Skúlason, Sóley Dögg Birgisdóttir, Kristján Ingimarsson, Rán Freysdóttir og Kári Snær Valtingojer. Einnig sagt fundinn Gauti Jóhannesson sveitarstjóri.

Dagskrá:

1. Kosning oddvita og varaoddvita til eins árs.

a) Kosning oddvita.
Kosningu hlaut Andrés Skúlason með öllum greiddum atkvæðum.
(Hér tók nýkjörinn oddviti við fundarstjórn).
b) Kosning varaoddvita.
Tillaga kom fram um Rán Freysdóttur og Sóley Dögg Birgisdóttur
Kosningu hlaut Sóley Dögg Birgisdóttir með 3 greiddum atkvæðum, tveir voru á móti.
c) Kosning ritara.
Kosningu hlaut Kristján Ingimarsson með öllum greiddum atkvæðum.

2. Ráðning sveitarstjóra.

Oddvita veitt heimild til að ganga frá samningi við Gauta Jóhannesson vegna ráðningar hans í starf sveitarstjóra Djúpavogshrepps á grundvelli samningsdraga sem kynnt voru á fundinum. Samþykkt með öllum greiddum atkvæðum

3. Nefndir og erindisbréf nefnda.

Lagðar fram tillögur um fastanefndir og fulltrúafjölda kjörtímabilið 2014 – 2018 ásamt erindisbréfum.

Sveitarstjórn samþykkir samhljóða að vísa tillögum um fastanefndir ásamt erindisbréfum til síðari umræðu um stjórn og fundarsköp Djúpavogshrepps til staðfestingar í sveitarstjórn þann 10. júlí. og munu þá tilnefningar um fulltrúa jafnframt liggja fyrir frá hvorum lista í samræmi við niðurstöðu nýafstaðinna sveitarstjórnarkosninga.

Undir þessum lið minnti oddviti á að leitast verði við sem framast kostur er að hafa kynjahlutfall sem jafnast við tilnefningar í nefndir.

Samþykkt að vísa öðrum eftirtöldum liðum til síðari umræðu um stjórn og fundarsköp.
a. Siðareglur
b. Hæfi sveitarstjórnarmanna og nefndarmanna
c. Aðgangur gagna fyrir sveitarstjórn
d. Boðun varamanna

4. Tillaga um færslu málaflokka sem heyra munu beint undir sveitarstjórn.

a) Byggingatengd mál.
Erindisbréf vegna fyrirkomulags um byggingartengd mál lagt fram.
Sveitarstjórn samþykkir samhljóða að vísa erindisbréfi til síðari umræðu þann 10. júlí.
b) Húsnæðismál.
Erindisbréf vegna fyrirkomulags um húsnæðismál lagt fram.
Sveitarstjórn samþykkir samhljóða að vísa erindisbréfi til síðari umræðu þann 10.júlí.

5. Kosningar og tilnefningar í félög, stjórnir og ráð til eins árs.

Sveitarstjórn samþykkir samhljóða að vísa eftirfarandi kosningum og tilnefningum til næsta fundar:
a) Kosning fulltrúa og varafulltrúa á fund SSA. 2 fulltrúar og 2 til vara.
b) Heilbrigðiseftirlit Austurlands 1 fulltrúi – og annar til vara á aðalfund
c) Skólaskrifstofa Austurlands. Framkvæmdastjóri sveitarf. og annar til vara á aðalfund
d) Menningarráð Austurlands 1 fulltrúi

6. Kosningar og tilnefningar í félög, stjórnir og ráð til 4 ára. 

Sveitarstjórn samþykkir samhljóða að vísa eftirfarandi kosningum og tilnefningum til næsta fundar:
a) Kosning fulltrúa á Landsþing sveitarfélaga 1 fulltrúi og 1 til vara
b) Fulltrúi í stjórn Héraðsskjalasafni Austfirðinga 1 fulltrúi á aðalfund og annar til vara.
c) Fulltrúar í stjórn Kvennasmiðjunnar 2 fulltrúar
d) Kosning yfirkjörstjórnar 3 fulltrúar

7. Kjörnir fulltrúar til 4 ára í sameiginlegar fastanefndir.

Sveitarstjórn samþykkir samhljóða að vísa eftirfarandi kosningum og tilnefningum til næsta fundar.
a) Almannavarnarnefnd. 1 fulltrúi
b) Brunavarnir á Austurlandi. 1 fulltrúi
c) Félagsmálanefnd. 1 fulltrúi

8. Endurskoðendur sveitarfélagsins.

Samþykkt samhljóða að fresta ákvörðun til næsta fundar.

9. Ákvörðun um laun sveitarstjórnar og nefnda kjörtímabilið 2014 - 2018.

Samþykkt samhljóða að fresta ákvörðun til næsta fundar.

10. Sumarleyfi sveitarstjórnar 2014.

Sumarleyfi ákveðið frá 15. júlí til 30. ágúst. Áskilinn er þó sá réttur að boða til aukafundar ef þörf krefur á tímabilinu.

11. Fjárhagsleg málefni.

Sveitarstjóri kynnti hugmyndir um hagræðingu í rekstri Djúpavogshrepps og möguleikum í fjárhagslegri endurskipulagningu. R3 Ráðgjöf sem komið hefur að samskonar verkefnum hjá fjölda sveitarfélaga hefur lagt fram umfangs- og kostnaðaráætlun. Gert er ráð fyrir að endanleg skýrsla gæti legið fyrir um mánaðarmót ágúst/september nk. Samþykkt að fela sveitarstjóra að ganga til samninga við R3 Ráðgjöf á grunni framlagðra gagna.

 

Fleira ekki fyrir tekið. Fundi slitið kl. 18:00
Fundargerðin færð í tölvu, lesin upp, staðfest, prentuð út og síðan undirrituð.
Fundarritari Kristján Ingimarsson.