Starfsemi dagforeldra

Fræðslustjóri fer yfir stöðu dagforeldra er boðið hafa upp á þjónustu í Vonarlandi á Egilsstöðum og kynnti bréf frá fráfarandi dagforeldri. Þrátt fyrir ítrekaðar auglýsingar hefur ekki tekist að finna fólk til að taka við af þeim dagforeldrum sem hyggjast hætta starfsemi í Vonarlandi.

Lagt fram til kynningar.

Fjölskylduráð samþykkir fyrir sitt leyti að foreldrar barna sem ná eins árs aldri og sótt hefur verið um leikskólapláss fyrir án þess að unnt hafi verið að bregðast við, geti sótt um framlag til sveitarfélagsins frá 1. nóvember 2021. Framlagið miðist við niðurgreiðslu til dagforeldra fyrir 7 tíma vistun skv. reglum um niðurgreiðslu Múlaþings til dagforeldra.

Samþykkt samhljóða án atkvæðagreiðslu.