Flug milli Egilsstaða og Reykjavíkur

Heimastjórn Fljótsdalshéraðs lýsir áhyggjum sínum af þeim skorti á nægu sætaframboði milli Egilsstaða og Reykjavíkur, um Egilsstaðaflugvöll og takmarkaðri flugtíðni undanfarin misseri. Heimastjórnin er á þeirri skoðun að aukið sætaframboð og aukin flugtíðni muni efla ferðaþjónustu og atvinnutækifæri á svæðinu.
Heimastjórnin beinir því til sveitarstjórnar að teknar verði upp viðræður við Icelandair um úrbætur.

Samþykkt samhljóða með handauppréttingu.

Fyrir liggur tölvupóstur frá Boga Nils Bogasyni, forstjóra Icelandair, þar sem svarað er spurningum heimastjórnar um flug milli Reykjavíkur og Egilsstaða. Í svarinu kemur m.a. fram að fljótlega megi reikna megi með auknu og stöðugra sætaframboði.
Málið var áður á dagskrá heimastjórnar Fljótsdalshéraðs 24.3. 2022.

Heimastjórn Fljótsdalshéraðs þakkar fyrir þær greinargóðar skýringar sem fram koma í tölvupósti forstjóra Icelandair.

Samþykkt samhljóða með handauppréttingu.

Fyrir lá bókun frá fundi heimastjórnar Fljótsdalshéraðs, dags. 24.03.2022, þar sem m.a. er lýst yfir áhyggjum af skorti á nægu sætaframboði milli Egilsstaða og Reykjavíkur, um Egilsstaðaflugvöll og takmarkaðri flugtíðni undanfarin misseri.

Til máls tók: Hildur Þórisdóttir sem lagði fram fyrirspurn, Björn Ingimarsson sem svaraði fyrirspurn, Stefán Bogi Sveinsson, Helgi Hlynur Ásgrímsson, Elvar Snær Kristjánsson, Berglind Harpa Svavarsdóttir, Þröstur Jónsson.

Eftirfarandi tillaga lögð fram:
Sveitarstjórn Múlaþings tekur undir þær áherslur er fram koma í bókun heimastjórnar Fljótsdalshéraðs varðandi sætaframboð og flugtíðni á milli Egilsstaða og Reykjavíkur. Sveitarstjóra er falið að koma þessum áherslum á framfæri við forsvarsaðila flugfélagsins með ósk um fund með sveitarstjórn.

Samþykkt samhljóða með handauppréttingu.