Heimastjórn Fljótsdalshéraðs

Fyrir liggja frekari svör, dagsett 9. mars 2022, við spurningum heimastjórnar Fljótsdalshéraðs vegna málsins.
Málið var síðast á dagskrá heimastjórnar 8. febrúar 2022.

Lagt fram til kynningar og málið er áfram í vinnslu.

Fyrir liggur erindi frá Náttúruverndarsamtökum Austurlands, dagsett 8. mars 2022, þar sem óskað er eftir upplýsingum um störf náttúruverndarnefndar Fljótsdalshéraðs.

Heimastjórn Fljótsdalshéraðs felur starfsmanni að undirbúa drög að svörum við erindi Náttúruverndarsamtaka Austurlands og leggja fyrir heimastjórn.

Samþykkt samhljóða með handauppréttingu.

Fyrir liggur tillaga að óverulegri breytingu á deiliskipulagi Hvamma í Fellabæ þar sem gert er ráð fyrir einbýlishúsalóð í stað parhúsalóðar að Fjóluhvammi 4.
Breytingin var grenndarkynnt í samræmi við ákvörðun umhverfis- og framkvæmdaráðs frá 2. febrúar til 7. mars 2022 og barst ein athugasemd á kynningartíma.

Eftirfarandi var bókað á fundi umhverfis- og framkvæmdaráðs 16.3. 2022:
Umhverfis- og framkvæmdaráð samþykkir fyrirliggjandi tillögu að breytingu á deiliskipulagi Hvamma í Fellabæ, ásamt fyrirliggjandi drögum að umsögn um fram komnar athugasemdir, og vísar málinu til heimastjórnar Fljótsdalshéraðs til afgreiðslu.

Heimastjórn Fljótsdalshéraðs samþykkir tillögur umhverfis- og framkvæmdaráðs og felur skipulagssviði að senda umsagnir við innsendum erindum.

Samþykkt samhljóða með handauppréttingu.

Fyrir liggja umsóknir um stofnun fimm lóða úr landi Eiða (L158058). Fá þær heitin Miðgarður, Mikligarður, Útgarður, Þórarinshús og Verknámshús.

Eftirfarandi var bókað á fundi umhverfis- og framkvæmdaráðs 16.3. 2022:
Umhverfis- og framkvæmdaráð samþykkir umsóknina og felur skipulagsfulltrúa að vinna málið áfram að lokinni afgreiðslu heimastjórnar. Málinu er vísað til heimastjórnar Fljótsdalshéraðs til afgreiðslu.

Heimastjórn Fljótsdalshéraðs staðfestir afgreiðslu umhverfis- og frmakvæmdaráðs.

Samþykkt samhljóða með handauppréttingu.

Fyrir liggur umsókn um skiptingu á lóðinni Eyjólfsstaðaskógur 1 (L157470) í þrennt.

Eftirfarandi var bókað á fundi umhverfis- og framkvæmdaráðs 16.3. 2022:
Umhverfis- og framkvæmdaráð samþykkir umsóknina og felur skipulagsfulltrúa að vinna málið áfram að lokinni afgreiðslu heimastjórnar. Málinu er vísað til heimastjórnar Fljótsdalshéraðs til afgreiðslu.

Heimastjórn Fljótsdalshéraðs staðfestir afgreiðslu umhverfis- og framkvæmdaráðs.

Samþykkt samhljóða með handauppréttingu.

Fyrir liggur umsagnarbeiðni frá Sýslumanninum á Austurlandi, dagsett 14. mars 2022, frá K6 veitingar ehf, vegna umsóknar um tækifærisleyfi vegna árshátíðar starfsfólks Múlaþings sem haldin verður í Íþróttahúsinsu á Egilsstöðum 2. apríl 2022 frá kl. 18.00 til 03.00. Ábyrgðarmaður er Einar Geirsson.
Fyrir liggja jákvæðar umsagnir frá Brunavörnum á Austurlandi og Heilbrigðiseftirliti Austurlands.

Heimastjórn Fljótsdalshéraðs veitir jákvæða umsögn um veitingu þessa tækifærisleyfis, enda liggi fyrir jákvæðar umsagnir frá lögreglu, brunaeftirliti og heilbrigðiseftirliti. Jafnframt er staðfest að staðsetning staðar sem umsóknin lýtur að sé innan þeirra marka sem reglur og skipulag sveitarfélagsins segja til um og fyrirhugaður opnunartími er innan marka sem fram koma í lögreglusamþykkt.

Meðfylgjandi eru jákvæðar umsagnir Brunavarna á Austurlandi og Heilbrigðiseftirlits Austurlands.

Samþykkt samhljóða með handauppréttingu.

Fyrir liggur umsagnarbeiðni frá Sýslumanninum á Austurlandi, dagsett 9. mars 2022, frá Árna Ólasyni Egilsstöðum, vegna umsóknar um tækifærisleyfi vegna lokaðs menntaskóladansleiks sem haldinn verður í Ask Taproom Fagradalsbraut 25 Egilsstöðum. 25. mars 2022, frá kl. 22.00 til 01.00. Ábyrgðarmaður er Árni Ólason.
Fyrir liggja jákvæðar umsagnir frá Brunavörnum á Austurlandi og Heilbrigðiseftirliti Austurlands.

Heimastjórn Fljótsdalshéraðs veitir jákvæða umsögn um veitingu þessa tækifærisleyfis, enda liggi fyrir jákvæðar umsagnir frá lögreglu, brunaeftirliti og heilbrigðiseftirliti. Jafnframt er staðfest að staðsetning staðar sem umsóknin lýtur að sé innan þeirra marka sem reglur og skipulag sveitarfélagsins segja til um og fyrirhugaður opnunartími er innan marka sem fram koma í lögreglusamþykkt.

Meðfylgjandi eru jákvæðar umsagnir Brunavarna á Austurlandi og Heilbrigðiseftirlits Austurlands.

Samþykkt samhljóða með handauppréttingu.

Heimastjórn Fljótsdalshéraðs lýsir áhyggjum sínum af þeim skorti á nægu sætaframboði milli Egilsstaða og Reykjavíkur, um Egilsstaðaflugvöll og takmarkaðri flugtíðni undanfarin misseri. Heimastjórnin er á þeirri skoðun að aukið sætaframboð og aukin flugtíðni muni efla ferðaþjónustu og atvinnutækifæri á svæðinu.
Heimastjórnin beinir því til sveitarstjórnar að teknar verði upp viðræður við Icelandair um úrbætur.

Samþykkt samhljóða með handauppréttingu.

Heimastjórn Fljótsdalshéraðs samþykkir að halda opinn fund um helstu verkefni á Fljótsdalshéraði. Starfmanni falið að auglýsa fundinn og þá dagskrá sem rædd var á fundinum.

Jafnframt mun heimastjórnin bjóða upp á samtalsfundi í dreifbýli sveitarfélagsins eftir páska.

Samþykkt samhljóða með handauppréttingu.