Fasteignir í Múlaþingi

Eftirfarandi tillaga lögð fram:
Vegna aukins framboðs á húsnæði sveitarfélagsins með stofnframlögum samþykkir byggðaráð eftirfarandi ráðstafanir varðandi eignir í Múlaþingi:
- Samþykkt að haldið verði áfram að selja íbúðir í Hamrabakka á Seyðisfirði eftir því sem þær losna.
- Samþykkt verði að allt að fjórar íbúðir á Múlavegi á Seyðisfirði verði skilgreindar sem félagslegt húsnæði.
- Samþykkt að selja einbýlishúsið í Brúarási þegar það losnar.
- Samþykkt að ein íbúð í Brúarási verði skilgreind sem félagslegt húsnæði.
- Samþykkt að selja Miðgarð 3a á Egilsstöðum þegar hún losnar.
- Samþykkt að selja tvær íbúðir í Útgarði 6 á Egilsstöðum þegar þær losna.
- Samþykkt að selja íbúð í parhúsi að Víkurnesi á Borgarfirði þegar hún losnar.
- Samþykkt að kanna fýsileika þess að flytja hluta eða allar íbúðir sveitarfélagsins yfir í óhagnaðardrifið leigufélag eins og Bríeti eða Brák.
- Samþykkt að fara í nánari greiningu á áhrifum hækkunar leiguverðs í íbúðum sveitarfélagsins svo það sé sambærilegt við almennt leiguverð.

Byggðaráð felur sveitarstjóra að fylgja þessum málum eftir.

Samþykkt með fjórum atkvæðum, einn sat hjá (HHÁ)

Heimastjórn þakkar þeim fyrir komuna á fundinn.
Heimastjórn hefur frá sameiningu ítrekað fjallað um leiguíbúðir á Borgarfirði og ráðstöfun þeirra. Heimastjórn lýsir yfir vonbrigðum með málsmeðferðina og að hennar fyrri bókanir hafi ekki verið hafðar til hliðsjónar. Þessi málaflokkur er íbúum Borgarfjarðar mjög mikilvægur. Í aðdraganda sameiningar 2020 var sagt að leiguíbúðir á staðnum yrðu ekki seldar og viðhaldsþörf þeirra metin sem innviðaskuld Borgarfjarðar inn í sameiningu. Í byggðaþróunarlegu tilliti eru þær staðnum mikilvægar enda oft og tíðum eina leið nýbúa inn á svæðið.
Heimastjórn Borgarfjarðar vonar að í framtíðinni verði leitað álits heimastjórna við ákvarðanir stórra mála er varða nærumhverfi þeirra.
Samþykkt samhljóða án atkvæðagreiðslu.