Bæjarráð Seyðisfjarðar

2504. fundur bæjarráðs Seyðisfjarðarkaupstaðar

Miðvikudaginn 01.04. 2020 kom bæjarráð Seyðisfjarðar saman til fundar í Zoom fjarfundi. Fundurinn hófst kl. 16:00.  

Fundinn sátu:

Rúnar Gunnarsson formaður, L –lista.

Hildur Þórisdóttir L-lista.

Elvar Snær Kristjánsson D – lista.

Vilhjálmur Jónsson áheyrnarfulltrúi B - lista.

Aðalheiður Borgþórsdóttir bæjarstjóri.

 

Fundargerð ritaði Aðalheiður Borgþórsdóttir.

Fundargerð var færð í tölvu.

 

Gerðir fundarins:

1. Ársreikningur sveitarfélagsins 2019 – fyrri umræða. Undir þessum lið kemur Sigurður Álfgeir Sigurðsson og fer yfir ársreikninga sveitarfélagsins.

Lögð fram drög að ársreikningi sveitarfélagsins fyrir árið 2019 fyrir fyrirtæki, sjóði og stofnanir kaupstaðarins – trúnaðarmál. Sigurður Álfgeir fór yfir helstu niðurstöður og skýringar.

Bæjarráð samþykkir drögin og leggur svohljóðandi tillögu fyrir bæjarstjórn: „Bæjarstjórn Seyðisfjarðar samþykkir ársreikning 2019 til síðari umræðu.“

Sigurður víkur af fundi kl. 17:55.

 

2. Fundargerðir:

2.1. Umhverfisnefnd frá 30.03.2020

Varðandi lið nr. 2 í fundargerð. Auglýsing um umferð í Seyðisfjarðakaupstað   

Bæjarráð hefur farið yfir fyrirliggjandi drög að auglýsingu um umferð í Seyðisfjarðarkaupstað. Umhverfisnefnd lagði til fjölgun á gangbrautum auk breytingar á gatnamótum Múlavegar og Botnahlíðar, að Múlavegur eigi forgang.

 

Bæjarráð leggur eftirfarandi tillögu fyrir bæjarstjórn:

„Bæjarstjórn samþykkir að senda auglýsingu til birtingar og kynningar fyrir bæjarbúum.“

 

Varðandi lið nr. 3 í fundargerð. Við Lónið – Beiðni um umsögn vegna rekstrarleyfis. 

Beiðni um umsögn frá sýslumanni vegna umsóknar um rekstrarleyfi skv. lögum nr. 85/2007 um veitingastaði, gististaði, og skemmtanahald. Gistileyfi í flokki II. Stærra gistiheimili. Gestafjöldi: 18. Umsækjandi er Við Lónið ehf. Kt. 590515-1080. Starfstöð: Norðurgötu 8, 710 Seyðisfirði. Fasteignanúmer 216-8704.  Heiti: Við Lónið Guesthouse. Forsvarsmaður: Margrét Guðjónsdóttir kt. 141281-5179. Landnotkun er í samræmi við aðalskipulag. Lokaúttekt hefur farið fram. Umsögn Heilbrigðisnefndar Austurlands liggur fyrir og er jákvæð. Umsögn Brunavarna Austurlands liggur fyrir og er jákvæð.

 

Bæjarráð leggur eftirfarandi tillögu til bæjarstjórnar:

„Bæjarstjórn veitir jákvæða umsögn um rekstrarleyfi skv. lögum nr. 85/2007 um veitingastaði, gististaði, og skemmtanahald. Gistileyfi í flokki II. Stærra gistiheimili. Gestafjöldi: 18. Umsækjandi er Við Lónið ehf. Kt. 590515-1080.“

 

Varðandi lið nr. 7 í fundargerðinni. Óveruleg breyting á deiliskipulagi.

Erindi frá skipulagsfulltrúa varðandi deiliskipulagsbreytingu vegna lóðar við Búðarleiru 6. Breytingin fellst í uppskiptingu lóðarinnar 2,4 og 6. Stærð lóðarinnar er 4921 m2 en lóð númer 6 verður stök og 1.000 m2 að flatarmáli. Umhverfisnefnd metur sem svo að smávægileg breyting á deiliskipulagi eins og þessi kalli ekki á grenndarkynningu.

 

Bæjarráð leggur eftirfarandi tillögu fyrir bæjarstjórn:

„Bæjarstjórn fellur frá kröfum um grenndarkynningu skv. 2. mgr. 43. gr. skipulagslaga nr. 123/2010“

 

Tillaga borin undir atkvæði, Hildur og Rúnar greiða með en Elvar Snær er á móti og gerir grein fyrir atkvæði sínu.

Undirritaður getur ekki greitt atkvæði með tillögu umhverfisnefndar í lið 7 í fundargerð frá 30. mars þar sem 2. mgr. 43. gr. skipulagslaga nr. 123/2010 kveður á um að þurfi að fara í grenndarkynningu sé um óverulegar breytingar á skipulagi að ræða.

Elvar Snær Kristjánsson

 

Fundargerð er samþykkt

 

3. Samstarf sveitarfélaga:

3.1. Yfirkjörstjórn sameinaðs sveitarfélags – 26.03.2020 – frestun kosninga

Lagt fram til kynningar

 

4. Erindi:

4.1. KPMG – 30.03.2020 – Sveitarfélög á óvissutímum

Lagt fram til kynningar.

4.2. Sveitastjórn Árneshrepps – 25.03.2020 – Leitað leyfis landeiganda.

Lagt fram til kynningar.

 

5.COVID-19:

5.1. Viðspyrna Seyðisfjarðarkaupstaðar – listi yfir verkefni á framkvæmdaáætlun sveitarfélagsins.

Umræða um listann og bæjarfulltrúar hvattir til að senda inn hugmyndir að forgangsröðun verkefna til bæjarstjóra. Málið áfram í vinnslu.

5.2. Viðspyrna - Tillögur að leiðréttingum gjalda ofl. aðgerða Seyðisfjarðarkaupstaðar vegna COVID-19.

Bæjarráð samþykkir að fresta tveimur eindögum fasteignagjalda einstaklinga og fyrirtækja, apríl og maí og að gjöld verði leiðrétt samkvæmt skertri þjónustu í leikskóla, grunnskóla og tónlistarskóla. Einnig að framlengt verði í árskortum í íþróttahúsi, bókasafni og sundhöll í samræmi við skerta þjónustu.

5.3. Samband ísl. sveitarfélaga – 30.03.2020 – Sveitarstjórnir fá 30 daga frest til að skila ársreikningum.

Ekki er þörf á að nýta þetta ákvæði fyrir Seyðisfjarðarkaupstað nema eitthvað óvænt komi uppá. Samkvæmt áætlun mun ársreikningur verða afgreiddur til síðari umræðu 8. apríl n.k.

5.4. Fjáraukalög 2020.

Framlag ríkisvaldsins á tímum COVID-19 er mikilvægt, bæjarráð mun halda áfram að koma sínum verkefnum á framfæri við stjórnvöld eins og kostur er.

5.5. Sambandið – 31.03.2020 – Aðgerðaáætlun sveitarfélaga til viðspyrnu fyrir ísl. Atvinnulíf og heimili – COVID-19 

Bæjarráð þakkar Sambandinu fyrir sitt innlegg í faglegri vinnu fyrir sveitarfélögin á þessum erfiðu tímum. Bæjarstjóri hefur unnið með Austurbrú og öðrum sveitarstjórnarmönnum á Austurlandi að því að koma upplýsingum um stöðu verkefna sem falla að aðgerðaáætlun til Sambandsins.

 

6. Gamla ríkið.

Þau ánægjulegu tíðindi bárust frá Fjármálaráðherra og forseta Alþingis í lok síðustu viku að endurbætur á „Gamla ríkinu“ væru á aðgerðaráætlun stjórnvalda vegna COVID-19. og að Minjavernd myndi stýra verkinu sem hefjast mun í sumar.

 

7. Félagsheimilið Herðubreið – úttektarskýrsla á ytra byrði.

Fyrir liggur úttektarskýrsla og kostnaðaráætlun frá Verkgæði ehf á ytra byrði félagsheimilisins Herðubreiðar. Ljóst er að húsið er mjög illa farið og að verkefnið er umfangsmikið og kostnaðarsamt. Skipulags- og byggingarfulltrúa er falið að kanna leiðir til þess að skipta verkefninu upp í áfanga þannig að hægt verði að hefjast handa við viðgerðir á elsta hluta hússins sem fyrst.

 

Fundi slitið kl. 19.01

Fundargerð er á 4 bls.