Hafnarmálaráð Seyðisfjarðar

9. fundur í hafnarmálaráði Seyðisfjarðar 2017 

Mánudaginn 6. nóvember 2017 kom hafnarmálaráð Seyðisfjarðarkaupstaðar saman til fundar á  skrifstofu kaupstaðarins að Hafnargötu 44.  Hófst  fundurinn kl. 14:00.

Fundinn sátu:  Adolf Guðmundsson, Unnar Sveinlaugsson, Þórunn Hrund Óladóttir og hafnarstjóri sem ritaði fundargerð.

Fundargerðin var færð í tölvu.

Gerðir fundarins.

Starfsmannamál – ráðning yfirhafnarvarðar Seyðisfjarðarhafnar.

Eftirfarandi tillaga borin upp. Hafnarmálaráð samþykkir að bjóða Agnari Sæmundssyni starf yfirhafnarvarðar Seyðisfjarðarhafnar. Það er mat hafnarmálaráðs að Agnar uppfylli í hlutlægu mati þá mikilvægustu þætti í kröfum sem gerðar voru til umsækjenda. Að mati hafnarmálaráðs leiða menntun, þekking, reynsla, leiðtogahæfileikar og samskiptahæfni Agnars til þess að hann er talinn vera hæfastur umsækjenda í starfið.

Tillagan samþykkt með tveimur greiddum atkvæðum.

Fleira var ekki tekið fyrir og fundi var slitið kl. 14:45.