Sveitarstjórn Múlaþings

Fyrir liggur samkomulag á milli ríkis og sveitarfélaga, dags. 15.12.2023, varðandi fjármögnun þjónustu við fatlað fólk og hækkun útsvarsálagningar.

Til máls tóku: Björn Ingimarsson, Berglind Harpa Svavarsdóttir og Þröstur Jónsson.

Eftirfarandi tillaga lögð fram:
Með vísan til ákvæða varðandi breytingu á fjármögnun á þjónustu við fatlað fólk í fyrirliggjandi samkomulagi milli ríkis og sveitarfélaga, dags. 15.12.2023, er byggir á breytingu á lögum um tekjustofna sveitarfélaga sem samþykkt var á Alþingi 15.12.2023, samþykkir sveitarstjórn Múlaþings að álagningahlutfall útsvars fyrir árið 2024 hækki um 0,23% og verði 14,97%.

Samþykkt samhljóða með handauppréttingu.

Til umfjöllunar er endurnýjun á samningi um Náttúrustofu Austurlands. Á fundi stjórnar Náttúrustofu Austurlands, dags. 07.12.2023, var vakin athygli á því að samningur Fjarðabyggðar og Múlaþings við umhverfisráðuneytið varðandi rekstur Náttúrustofnunnar rennur út um áramót. Jafnframt liggur fyrir að ráðuneytið leggur til að gildandi samningur verði framlengdur til eins árs.

Til máls tóku: Ívar Karl Hafliðason og Pétur Heimisson

Eftirfarandi tillaga lögð fram:
Með vísan til tillögu umhverfis-, orku- og loftslagsráðuneytisins samþykkir sveitarstjórn Múlaþings að gildandi samningur um Náttúrustofu Austurlands verði framlengdur til eins árs. Sveitarstjóra falið að undirrita samninginn fyrir hönd sveitarfélagsins.

Samþykkt samhljóða með handauppréttingu.

Fyrir liggur tillaga að viðauka við fjárhagsáætlun 2023 - 2026.

Til máls tóku: Hildur Þórisdóttir og Björn Ingimarsson.

Eftirfarandi tillaga lögð fram:
Sveitarstjórn Múlaþings samþykkir tillögu að viðauka 2 við fjárhagsáætlun 2023 - 2026 vegna hækkunar á heimild til lántöku í Eignasjóði vegna snjóflóðavarna og nemur hækkun lántökuheimildar um 62 millj. kr. Sveitarstjórn Múlaþings samþykkir hér með að taka lán hjá Ofanflóðasjóði kt. 470394-2189 að höfuðstól allt að kr. 110.000.000 kr. í samræmi við skilmála lánasamninga Ofanflóðasjóðs lögum samkvæmt. Lánið er tekið til fjármögnunar á 10% hlut Múlaþings í framkvæmdum við snjóflóðavarnir á Seyðisfirði á árinu 2023. Jafnframt er Birni Ingimarssyni, sveitarstjóra Múlaþings kt. 301254-4079, veitt fullt og ótakmarkað umboð til þess, f.h. Múlaþings, að undirrita lánssamning við Ofanflóðasjóð með fyrirvara um samþykki sjóðsins.

Samþytkkt samhljóða með handauppréttingu.