Krakkaveldi, í samvinnu við Múlaþing og LungA, stendur fyrir vinnusmiðju fyrir 7-12 ára börn undir yfirskriftinni BarnaBærinn dagana 12.-15. júlí.
BarnaBærinn er sviðslistasmiðja leidd af listakonunum Hrefnu Lind og Salvöru Gullbrá þar sem þær spyrja spurningarinnar: ,,Hvað ef börn tækju yfir Seyðisfjörð?"
Markmið smiðjunnar er að nota aðferðir sviðslista til að búa saman til Seyðisfjarðarbæ þar sem krakkar ráða öllu í stað fullorðinna. Krakkarnir fá verkfæri og rými til að búa til sitt eigið draumasamfélag. Í lok smiðjunnar verða hugmyndirnar kynntar fyrir almenningi.
Skráning fer fram á fristund.vala.is.
Frekari upplýsingar gefur Dagný Erla á dagny.erla.omarsdottir@mulathing.is
