Umhverfis- og framkvæmdasvið Múlaþings óskar eftir að ráða garðyrkjustjóra til starfa hjá sveitarfélaginu. Garðyrkjustjórinn sér meðal annars um að sinna öllum gróðri í almenningsgörðum, á opnum svæðum og stofnanalóðum sveitarfélagsins ásamt því að hafa yfirumsjón með vinnuskóla Múlaþings.
Um fullt starf er að ræða.
Æskilegt að viðkomandi geti hafið störf í síðasta lagi 1. desember 2021.
Helstu verkefni og ábyrgð :
- Skipulagning, umsjón og eftirlit með með almenningsgörðum og opnum svæðum sveitarfélagsins
- Kortlagning og framkvæmd verkefna
- Yfirumsjón með vinnuskóla sveitarfélagsins
- Þjálfun og fræðsla flokksstjóra
- Fylgjast með viðhaldi og öryggi véla og tækja
- Klippingar og grisjun á trjám og runnum
- Útplöntun á trjám, runnum, sumarblómum og haustlaukum
- Garðsláttur
- Viðhald á beðum, bekkjum og blómakörum
- Umsjón með gerð kostnaðar- og framkvæmdaáætlana sem og útboðsgagna
Menntunar- og hæfniskröfur :
- Garðyrkjufræðingur með sveinspróf af skrúðgarðyrkju
- Reynsla af verkstjórn
- Mikil samskipta- og samstarfshæfni og hæfni til að vinna í teymi
- Góð almenn tölvukunnátta
- Góð íslenskukunnátta í máli og ritun
- Reglusemi og stundvísi
- Líkamlegt hreysti
- Almenn ökuréttindi og vinnuvélapróf er kostur
- Frumkvæði, öguð vinnubrögð og röggsemi til verka
Allir umsækjendur þurfa að gefa leyfi fyrir að upplýsinga um þá sé aflað úr sakaskrá, sbr. 3.-4. mgr. 10. gr. laga nr.70/2007 og uppfylla þau skilyrði sem koma fram í 2. mgr. 10. gr. sömu laga.
Öllum umsóknum skal fylgja rökstuðningur fyrir hæfni viðkomandi í starfið.
Vinnustaðir Múlaþings eru tóbakslausir og fjölskylduvænir.
Einstaklingar af öllum kynjum eru hvattir til að sækja um.
Nánari upplýsingar um starfið veitir Hugrún Hjálmarsdóttir, í gegnum netfangið hugrun.hjalmarsdottir@mulathing.is. Umsókn má finna hér.
Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má hér.
