Daglegur fundur Veðurstofunnar og Almannavarna fór fram fyrr í dag en hann sátu fulltrúar lögreglu á Austurlandi og Múlaþings vegna úrkomuspár fyrir næstu daga og vatnssöfnunnar.
Í kvöld kemur fyrsta gusan en búist er við mikilli úrkomu og er úrkomuviðvörun í gildi frá kl. 18 í dag til kl. 9 í fyrramálið. Sjá nánar á Facebooksíðu Veðurstofu Íslands en þar má meðal annars finna upplýsingar um stöðuna almennt. Einnig má finna gagnlegar upplýsingar á bloggsíðu Veðurstofunnar þar sem sjónum er meðal annars beint að Seyðisfirði. Þá er Lögreglan á Austulandi dugleg við að miðla stöðu mála á Facebooksíðu sinni og halda íbúum svæðisins upplýstum.
Íbúar eru hvattir til þess að fylgjast með.
