Svæðisáætlun um meðhöndlun úrgangs fyrir Austurland

Fyrir umhverfis- og framkvæmdaráði liggur erindi frá Austurbrú þar sem óskað er eftir afstöðu sveitarfélagsins til þess hvort unnin verði sameiginleg svæðisáætlun um meðhöndlun úrgangs fyrir Austurland. Jafnframt er í erindinu óskað eftir því að sveitarfélagið skipi tvo fulltrúa í faghóp/verkefnisstjórn sem mun fylgja verkefninu eftir.

Eftirfarandi tillaga lögð fram:
Umhverfis- og framkvæmdaráð samþykkir að Múlaþing verði aðili að verkefninu og skipar jafnframt Ólaf Áka Ragnarsson, fulltrúa D-lista í ráðinu, og Margréti Sveinsdóttur, verkefnastjóra umhverfismála hjá Múlaþingi, í verkefnisstjórn svæðisáætlunar um meðhöndlun úrgangs fyrir Austurland.

Samþykkt samhljóða með handauppréttingu.

Fyrir umhverfis- og framkvæmdaráði liggur að skipa nýjan fulltrúa í verkefnisstjórn um gerð svæðisáætlunar um meðhöndlun úrgangs fyrir Austurland í stað Ólafs Áka Ragnarssonar.

Eftirfarandi tillaga lögð fram:
Umhverfis- og framkvæmdaráð samþykkir að skipa Björgvin Stefán Pétursson, fulltrúa D-lista, í verkefnisstjórnina.

Samþykkt samhljóða.

Eftirfarandi tillaga lögð fram:
Umhverfis- og framkvæmdaráð gerir ekki athugasemd við fyrirliggjandi Svæðisáætlun um meðhöndlun úrgangs á Austurlandi 2025-2035 og vísar henni til samþykktar hjá sveitarstjórn.

Umhverfis- og framkvæmdaráð þakkar ábendingu umhverfis-, orku- og loftslagsráðuneytisins og vísar til ofangreindrar bókunar. Jafnframt bendir ráðið á að svæðisáætlun hafi verið í umsagnarferli þegar ábending Umhverfis- og Orkustofnunar barst ráðuneytinu.

Samþykkt samhljóða.

Til máls tóku: Þröstur Jónsson, Jónína Brynjólfsdóttir, Helgi Hlynur Ásgrímsson, Ívar Karl Hafliðason, Þröstur Jónsson, Helgi Hlynur Ásgrímsson, Þröstur Jónsson sem kom með andsvar og lagði fram bókun, Guðný Lára Guðrúnardóttir sem bar upp fyrirspurn og Jónína Brynjólfsdóttir sem svaraði fyrirspurn Guðnýjar.

Eftirfarandi tillaga lögð fram:
Sveitarstjórn Múlaþings samþykkir fyrirliggjandi Svæðisáætlun um meðhöndlun úrgangs fyrir Austurland 2025-2035.

Samþykkt með 10 atkvæðum, einn sat hjá (ÞJ)

Þröstur Jónsson lagði fram eftirfarandi bókun:
M-listinn leggur höfuðáherslu á að gerð verði fýsileikaúttekt fyrir sorporkuver á Austurlandi eins og nefnt er í svæðisáætluninni