Húsnæðisáætlun Múlaþings 2024

Fyrir umhverfis- og framkvæmdaráði liggur að láta uppfæra húsnæðisáætlun sveitarfélagsins fyrir árið 2024.

Eftirfarandi tillaga lögð fram:
Umhverfis- og framkvæmdaráð felur verkefnastjóra skipulagsmála að uppfæra áætlunina miðað við núverandi stöðu og í samræmi við umræður á fundinum og leggja fyrir ráðið á næsta fundi.

Samþykkt samhljóða.

Fyrir umhverfis- og framkvæmdaráði liggja drög að endurskoðaðri 10 ára húsnæðisáætlun Múlaþings fyrir árið 2024.

Eftirfarandi tillaga lögð fram:
Umhverfis- og framkvæmdaráð samþykkir að vísa fyrirliggjandi drögum að húsnæðisáætlun Múlaþings til umsagnar hjá heimastjórnum.

Samþykkt samhljóða.

Fyrir liggja drög að breyttri húsnæðisáætlun Múlaþings fyrir árið 2024.

Ljóst er að uppfæra þarf texta er snýr að Borgarfirði í drögunum, m.a. hefur eftirfarandi setning verið fjarlægð úr drögunum: „Múlaþing er virkur þátttakandi á leigumarkaði á Borgarfirði og kemur það til sem mótvægisaðgerð vegna þeirrar stöðu sem ríkt hefur í húsnæðismálum þar undanfarin ár þar sem stór hluti húsnæðis á staðnum er nýttur til sumardvalar en ekki heilsársbúsetu.“

Íbúafjöldi hefur aukist um 3,9% á ári síðustu 5 ár og telur heimastjórn aðgengi að leiguíbúðum vera lykilforsendu þeirrar fjölgunar en markaðsaðstæður á Borgarfirði gera fólki erfiðara fyrir að byggja húsnæði. Samkvæmt skýrslu Nordregio, Attractive rural municipalities in the Nordic countries 2020, vill ungt fólk í dag hafa frelsi til búsetu og binda sig ekki fjárhagslega með kaupum á húsnæði og því er algjör lykilforsenda að Múlaþing tryggi aðgengi að leiguíbúðum meðan markaðsaðstæður leyfa það ekki.

Heimastjórn fer fram á að ofangreind setning verði inn í nýrri húsnæðisáætlun og mun koma öðrum tillögum að textabreytingum á framfæri.

Samþykkt samhljóða án atkvæðagreiðslu.

Fyrir fundinum láu drög að breytingum á texta í húsnæðisáætlun Múlaþings 2024.

Heimastjórn gerir ekki athugasemdir við breytingarnar.

Samþykkt samhljóða.

Fyrir fundinum lágu drög að breytingum á texta í húsnæðisáætlun Múlaþings 2024.

Heimastjórn felur starfsmanni að koma athugasemdum á framfæri við umhverfis- og framkvæmdasvið í samræmi við umræður á fundinum.

Samþykkt samhljóða með handauppréttingu.

Fyrir umhverfis- og framkvæmdaráði liggja drög að endurskoðaðri 10 ára húsnæðisáætlun Múlaþings fyrir árið 2024.

Á fundi umhverfis- og framkvæmdaráðs 4.12.2023 var gerð eftirfarandi bókun:
Umhverfis- og framkvæmdaráð samþykkir að vísa fyrirliggjandi drögum að húsnæðisáætlun Múlaþings til umsagnar hjá heimastjórnum.

Heimastjórn Fljótsdalshéraðs gerir ekki athugasemdir við áætlunina.

Samþykkt samhljóða með handauppréttingu.

Lögð er fram að nýju tíu ára húsnæðisáætlun Múlaþings fyrir árið 2024 þar sem brugðist hefur verið við ábendingum og athugasemdum sem komu fram í bókunum heimastjórna.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi drög að endurskoðaðri húsnæðisáætlun Múlaþings til næstu 10 ára og vísar henni til staðfestingar hjá sveitarstjórn.

Samþykkt samhljóða.

Fyrir liggur bókun frá fundi umhverfis- og framkvæmdaráðs, dags. 08.01.2024, varðandi húsnæðisáætlun Múlaþings 2024.

Til máls tóku: Berglind Harpa Svavarsdóttir og Þröstur Jónsson.

Eftirfarandi tillaga lögð fram:
Að tillögu umhverfis- og framkvæmdaráðs staðfestir sveitarstjórn Múlaþings fyrirliggjandi endurskoðaða húsnæðisáætlun til næstu 10 ára. Framkvæmda- og umhverfismálastjóra falið að sjá til þess að hún verði birt á heimasíðu sveitarfélagsins og kynnt þar til bærum aðilum.

Samþykkt samhljóða með handauppréttingu.