Umhverfis- og framkvæmdaráð Múlaþings

Hafnastjóri og staðgengill hafnastjóra fara yfir helstu verkefni á sviði hafnamála. Jafnframt liggur fyrir umhverfis- og framkvæmdaráði staðfesting á fjárveitingum til sjóvarna á Seyðisfirði 2023.

Eftirfarandi tillaga lögð fram:
Umhverfis- og framkvæmdaráð samþykkir af hálfu sveitarfélagsins að farið verði í umræddar framkvæmdir við sjóvarnir á Seyðisfirði á yfirstandandi ári og að gert sé ráð fyrir hlutdeild sveitarfélagsins í framkvæmdakostnaði í samþykktri fjárhagsáætlun hafna Múlaþings.

Samþykkt samhljóða.

Fundargerð frá 448. fundi Hafnasambands Íslands lögð fram til kynningar.

Slökkviliðsstjóri Múlaþings fer yfir helstu verkefni.
Uppgjörsskýrsla eldvarnareftirlits 2022 lögð fram til kynningar.

Þjónustufulltrúi á byggingasviði fer yfir stöðu byggingamála í Múlaþingi.

Fyrir umhverfis- og framkvæmdaráði liggja drög að sameiginlegri samþykkt sveitarfélaga á starfssvæði Heilbrigðiseftirlits Austurlands um umgengni og þrifnað utan húss.
Verkefnisstjóri umhverfismála situr fundinn undir þessum lið.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi drög að sameiginlegri samþykkt um umgengni og þrifnað utan húss og vísar þeim til umfjöllunar hjá sveitarstjórn í samræmi við 18. gr. sveitarstjórnarlaga nr. 138/2011.

Samþykkt samhljóða.

Máli frestað til næsta fundar.

Fyrir umhverfis- og framkvæmdaráði liggur frumhönnun á tillögu að viðbótum við þær ofanflóðavarnir sem unnið er að undir Bjólfinum á Seyðisfirði. Tillagan felur í sér að byggja 7-9 keilur ofan við nýja húsbýlastæðið og munu þær draga verulega úr krafti þeirra flóða sem komið gætu niður á Ölduna. Fyrir ráðinu liggur að taka afstöðu til umræddra tillagna og óska eftir því að Ofanflóðasjóður komi þeim í áframhaldandi hönnun og framkvæmd.
Skipulagsfulltrúi situr fundinn undir þessum lið.

Eftirfarandi tillaga lögð fram:
Umhverfis- og framkvæmdaráð samþykkir að fela framkvæmda- og umhverfismálastjóra að óska eftir því við Ofanflóðasjóð að haldið verði áfram með frekari hönnun fyrirliggjandi tillaga og þeim komið í framkvæmd í kjölfarið.

Samþykkt samhljóða.

Fyrir umhverfis- og framkvæmdaráði liggur sameiginleg skipulagslýsing og vinnslutillaga fyrir breytingu á Aðalskipulagi Fljótsdalshéraðs 2008-2028, dagsett 19. janúar 2023.
Skipulagsfulltrúi situr fundinn undir þessum lið.

Eftirfarandi tillaga lögð fram:
Umhverfis- og framkvæmdaráð samþykkir að fyrirliggjandi skipulagslýsing og vinnslutillaga verði kynnt í samræmi við 30. gr. skipulagslaga nr. 123/2010.

Samþykkt samhljóða.