Ungmennaráð Múlaþings

Fyrirhuguð ráðstefna ungmennaráða sveitarfélaga kynnt ungmennaráði Múlaþings sem haldin verður 5.desember 2025 í Reykjavík. Áhugasöm um þátttöku eru 8 úr ungmennaráði.

Ungmennaráð leggur til að bæta inn fræðslu um sjálfsstyrkingu, sjálfsskaða og sjálfsvígshugsanir þannig að það sé ekki feimnismál að ræða um það. Einnig hvernig hægt er að bregðast við áföllum, hvernig krakkar geta brugðist við ef einhver leitar til þeirra þannig að fræðslan sem eigi sér stað nái til allra aldurshópa og þau geti nýtt hana.

Ungmennaráðið fagnar tilkomu svona vefs en leggur til eftirfarandi:
Mikilvægi þess að hafa allar tómstundir sem boðið er uppá í Múlaþingi fyrir alla aldurshópa. Einnig að setja inn tímabundna viðburði t.d. þegar það eru í boði ákveðin námskeið. Atburði t.d. tónleika, bingó eða þess háttar, hvar hægt er að skrá sig eða hvar viðurður er haldinn. Hægt væri að bæta við einum flipa sem eru viðburðir næstu mánaða, skipta svo viðburðum eftir hvort það sé fyrir börn/ungmenni eða fullorðna. Samræma við viðburðardagatal Múlaþings.
Hafa beina slóð á Abler eða slóð á hvar hægt er að skrá barnið. Sameiginleg ræktarkort. Hafa tónlistarskólana með, kanna fyrir hvern kjarna hvaða hljóðfæri er í boði að æfa á og hvenær? Link inná síður tónlistaskólanna, símanúmer og helstu upplýsingum.

Farið var yfir fund sem haldinn var ásamt mögulegum samstarfslöndum, Króatíu, Litháen og Finnlandi. Rakel kynnti stuttlega hvað rætt var á fundinum. Samþykkt að halda þessu samtali áfram.

Athuga Fund varðandi Barnvæn sveitarfélög ásamt stýrihópi og hvenær sú vinna fer í gang. Einnig að boða vegagerðina á fund sem fyrst til að ræða mál sem tekin voru upp á sameiginlegum fundi með sveitarstjórn í maí.