Fara í efni

Fjölskylduráð Múlaþings

22. fundur 22. júní 2021 kl. 13:00 - 15:45 í fundarsal sveitarstjórnar, Lyngási 12 Egilsstöðum
Nefndarmenn
  • Elvar Snær Kristjánsson formaður
  • Guðný Margrét Hjaltadóttir varaformaður
  • Alda Ósk Harðardóttir aðalmaður
  • Guðmundur Björnsson Hafþórsson aðalmaður
  • Jódís Skúladóttir aðalmaður
  • Kristjana Sigurðardóttir aðalmaður
  • Ragnhildur Billa Árnadóttir aðalmaður
Starfsmenn
  • Júlía Sæmundsdóttir félagsmálastjóri
  • Þórunn Bylgja Borgþórsdóttir íþrótta- og æskulýðsstjóri
Fundargerð ritaði: Bylgja Borgþórsdóttir og Júlía Sæmundsdóttir íþrótta- og æskulýðsstjóri og félagsmálastjóri

1.Íþróttafélagið Höttur - verkefni og þróun

Málsnúmer 202106104Vakta málsnúmer

Undir þessum lið mætti Óttar Steinn Magnússon, stjórnarmaður í Íþróttafélaginu Hetti, og kynnti hugmyndir að þróunarverkefni félagsins.

Fjölskylduráð þakkar Óttari kærlega fyrir kynninguna.

Ráðið felur starfsmanni að vinna málið áfram í samvinnu við stjórn Íþróttafélagsins Hattar.

Samþykkt samhljóða með handauppréttingu.

2.Fjárhagsáætlun íþrótta- og æskulýðsmála 2022

Málsnúmer 202103235Vakta málsnúmer

Í vinnslu.

3.Skýrsla íþrótta- og æskulýðsstjóra

4.Skýrsla vegna barna með fjölþættan vanda - athugasemdir til ráðuneytis frá stjórnendum í velferðarþjónustu á Íslandi

Málsnúmer 202105257Vakta málsnúmer

Við innleiðingu á frumvarpi félags- og barnamálaráðherra um samþætta þjónustu í þágu farsældar barna er mikilvægt að skapa sátt milli ríkis og sveitarfélaga um hlutverk aðila í vinnu að málefnum barna með fjölþættan vanda.
Fjölskylduráð tekur undir með stjórnendum í velferðarþjónustu á Íslandi að ríkið verði að mæta þörfum barna án hindrana í 2. og 3. stigs þjónustu svo markmiðum farsældarfrumvarps verði náð og fjármögnun frumvarpsins leiði ekki til kostnaðarauka hjá sveitarfélögum við tilfærslu verkefna. Sérstaklega er horft til 79. gr. barnaverndarlaga nr. 80/2002 þar sem fram kemur að ríkið í gegnum Barnaverndarstofu skuli veita börnum sérhæfða meðferð vegna alvarlegra hegðunarerfiðleika, vímuefnaneyslu og meintra afbrota sem og að greina vanda barna sem talin eru þurfa sérhæfða meðferð. Í 1. mgr. 88. gr. sl. segir að ríkið skuli bera kostnað sem hlýst af starfsemi á vegum Barnaverndarstofu, þar með talinn rekstur heimila og stofnana sem ríkinu ber að sjá um að séu tiltæk skv. 79. gr. laganna. Sá kostnaður sem sveitarfélög hafa borið vegna niðurfellingar úrræða Barnaverndarstofu, brýtur í bága við fyrrgreind lög og er í raun tilfærsla á verkefnum og kostnaði frá ríki til sveitarfélaga.
Nauðsynlegt er að ríkið auki fjármagn til Barna- og unglingageðdeildar Landspítala, Greiningar- og ráðgjafastofu, Hegðunar- og þroskastöðvar sem og til vistunarúrræða nýrrar stofnunar undir heitinu Barna- og fjölskyldustofa. Bæta þarf geðþjónustu um allt land og vinna með snemmtækum hætti að geðrænum vanda barna og ungmenna.
Ef göfug markmið farsældarfrumvarpsins eiga að nást, er mikilvægt að barnaverndarstarfsmenn geti gengið að úrræðum fyrir þau börn sem höllustum fæti standa. Eins og fyrirkomulagið er orðið í dag, fer of mikill tími og fjármunir í úrræði sem sveitarfélög eiga ekki að bera, á kostnað þess að vinna á fyrirbyggjandi hátt að málefnum barna með minni vanda.

5.Fjárhagsáætlun 2022 - félagsþjónusta

Málsnúmer 202106122Vakta málsnúmer

Fyrirliggjandi rammi fjárhagsáætlunar félagsþjónustu fyrir árið 2022 er samþykktur.

Samþykkt samhljóða.

6.Skýrsla Félagsmálastjóra

Málsnúmer 201712031Vakta málsnúmer

Félagsmálastjóri reifar málefni sviðsins frá síðasta fundi.

Fundi slitið - kl. 15:45.

Getum við bætt efni þessarar síðu?