Sveitarstjórn Múlaþings

Til máls tóku: Jónína Brynjólfsdóttir, þröstur Jónsson, Berglind Harpa Svavarsdóttir, Eyþór Stefánsson, Helgi Hlynur Ásgrímsson, Þröstur Jónsson sem lagði fram breytingatillögu, Berglind Harpa Svavarsdóttir og Þröstur Jónsson með andsvar.

Þröstur Jónsson lagði fram eftirfarandi breytingatillögu:
Sveitarstjórn Múlaþings tekur undir bókun Heimastjórnar Seyðisfjarðar frá 4. sept. 2025, og bætir við eftirfarandi:
Fjarðarheiðargöng verður stærsta jarðgangnaframkvæmd hér á landi bæði hvað varðar ganga-lengd og kostnað. Því gæti ríkisvaldinu óað við að fara í framkvæmdina á þeim forsendum að aðeins sé verið að rjúfa einangrun og tryggja betur öryggi fyrir uþb. 700 manna byggð í Seyðisfirði en taka ekkert tillit til þess, að staðurinn er önnur stærsta gátt ferðamanna til Íslands. Það er því mikilvægt að árétta eftirfarandi:
- Þjóðhagslegt tækifæri til kröftugrar atvinnu uppbyggingar á svæði utan eldvirkni með nægu landrými þar sem tengja má saman öfluga vannýtta innviði; alþjóðaflugvöll (EGS), útflutningshöfn á Seyðisfirði og orku-afhendingu við Eyvindarár-tengivirki, þar sem bráðlega verður hægt að afhenda allt að 50 MW af raforku, auk væntanlegs jarðvarma frá borsvæði í Eiðaþinghá.
- Að sveitarstjórn Múlaþings endurskoði aðalskipulagsbreytingu sína vegna leiðarvals frá göngum Héraðs megin svo betur megi samnýta ofangreinda innviði (1.) og styrkja svæðið utan Eyvindarár til atvinnuuppbyggingar og tengingar við núverandi Egilsstaði með brú neðarlega yfir Eyvindará.
- Að sveitarstjórn Múlaþings og ríki leiti samstarfs einkaaðila um uppbyggingarverkefni á svæðinu í ljósi einstakra innviða og landrýmis hér á landi utan eldvirks svæðis, sem mótvægis-svæði við SV-horn landsins.
- Lögð verði áherslu á uppbyggðan heilsársveg yfir Öxi sem mundi enn frekar auka þjóðhagslegan ávinning og notagildi ofangreindra innviða með Fjarðarheiðargöngum. Öxi styttir vegalengdina Djúpivogur-Egilsstaðir um 67 km.
Sveitarstjórn felur sveitarstjóra að ítreka fyrri beiðni um fund með forsætisráðherra vegna málsins og senda bókunina á innviðaráðherra.

Breytingartillaga Þrastar lögð fyrir og felld með átta atkvæðum, tveir sátu hjá (ÁMS,HHÁ) og einn kaus með (ÞJ).


Eftirfarandi tillaga lögð fram:

Sveitarstjórn tekur undir bókun heimastjórnar Seyðisfjarðar þar sem lögð er áhersla á að ríkisvaldið standi við fyrirheit um fjármögnun þeirra samgönguúrbóta sem eru í gildandi samgönguáætlun og eru í samræmi við ályktanir SSA undanfarin áratug og Svæðisskipulag Austurlands 2022 - 2044.

Áratugum saman hefur legið fyrir að leysa þurfi óöruggar og ótryggar samgöngur til og frá Seyðisfirði með jarðgöngum en Vegagerðin hefur lýst því yfir að ekki verði hægt að endurbyggja veginn yfir Fjarðarheiði vegna bratta og tíðra lokana að vetrarlagi. Í samgönguáætlun fyrir árin 2011- 2022 er samþykkt að fara í göng til Seyðisfjarðar undir Fjarðarheiði og hefur framkvæmdin verið á samgönguáætlun síðan þá enda eru göngin fullhönnuð og tilbúin í útboð.
Kallað hefur verið eftir samgönguúrbótum með hringtengingu á miðsvæði Austurlands sem rýfur vetrareinangrun byggðalaga og tryggir ávallt öruggar samgöngur meðal annars þegar hættuástand skapast vegna ofanflóða. Eingöngu með hringtengingu samgangna verður fjölkjarnasamfélagið Austurland að einu atvinnu- og þjónustusvæði sem getur vaxið áfram á eigin forsendum og verðleikum.

Sveitarstjórn Múlaþings leggur þunga áherslu á að framkvæmdir hefjist við Fjarðarheiðargöng sem fyrst og að samhliða fari fram rannsóknir og hönnun ganga frá Seyðisfirði um Mjóafjörð til Norðfjarðar líkt og er á gildandi framkvæmdahluta samgönguáætlunar. Sú samgönguáætlun var samþykkt samhljóða 2020 og er í samræmi við bókun meirihluta umhverfis- og samgöngunefndar Alþingis við samþykkt hennar.

Sveitarstjórn felur sveitarstjóra að ítreka fyrri beiðni um fund með forsætisráðherra vegna málsins og senda bókunina á innviðaráðherra.

Samþykkt samhljóða með 10 atkvæðum, einn sat hjá(ÞJ)

Eftirfarandi tillaga lögð fram:
Sveitarstjórn Múlaþings staðfestir fyrirliggjandi gjaldskrá fyrir tónlistarskólana í Múlaþingi fyrir skólaárið 2025 - 2026.

Samþykkt samhljóða með handauppréttingu.

Til máls tóku: Þröstur Jónsson, Jónína Brynjólfsdóttir, Berglind Harpa Svavarsdóttir, Eyþór Stefánsson, Þröstur Jónsson, Ásrún Mjöll Stefánsdóttir og Helgi Hlynur Ásgrímsson.

Þröstur Jónsson lagði fram eftirfarandi breytingatillögu:
Sveitarstjórn telur fyrirliggjandi tillögu ekki vera í samræmi við fundarsköp sveitarfélagsins. Sveitarstjórnarfulltrúar hafa rétt á því að mál séu tekin á dagskrá er varða sveitarfélagið en þá þarf að vera um afmarkað mál að ræða og aðrir fulltrúar þurfa að hafa tækifæri til að kynna sér efni þess máls. Mikilvægt er að sveitastjórnarmenn hafi málfrelsi á fundum og geti tjáð sig um þau mál sem þar eru til meðferðar og veitt andsvör.

Vegna ofangreindra formgalla er ekki hægt að samþykkja tillöguna óbreytta. Sveitarstjórn leggur því til að málið sé sett í vinnslu með það að markmiði að sjá hvort ná megi fram markmiðum tillögunnar með breyttu formi sem stenst lög og fundarsköp sveitarfélagsins.

Breytingartillaga Þrastar Jónssonar tekin fyrir og felld með sex atkvæðum, tveir sátu hjá (ÁHB,HHÁ) þrír kusu með (ÞJ,ES,ÁMS)


Eftirfarandi tillaga lögð fram:
Sveitarstjórn telur fyrirliggjandi tillögu ekki vera í samræmi við fundarsköp sveitarfélagsins. Sveitarstjórnarfulltrúar hafa rétt á því að mál séu tekin á dagskrá er varða sveitarfélagið en þá þarf að vera um afmarkað mál að ræða og aðrir fulltrúar þurfa að hafa tækifæri til að kynna sér efni þess máls. Mikilvægt er að sveitastjórnarmenn hafi málfrelsi á fundum og geti tjáð sig um þau mál sem þar eru til meðferðar og veitt andsvör.

Sveitarstjórn leggur til að fyrirliggjandi tillögu sveitarstjórnarfulltrúa Þrastar Jónssonar sé hafnað

Samþykkt með sjö atkvæðum, fjórir sátu hjá (ÞJ,SE,ÁMS,HHÁ)

Til máls tóku: Eyþór Stefánsson og Jónína Brynjólfsdóttir

Eftirfarandi tillaga lögð fram:
Sveitarstjórn samþykkir lausn Rögnu S. Óskarsdóttur frá störfum í heimastjórn Borgarfjarðar og þakkar henni fyrir vel unnin störf. Elísabet Sveinsdóttir sem verið hefur varamaður verður aðalmaður í heimastjórn.
Sveitarstjórn samþykkir að Jón Sigmar Sigmarsson taki sæti sem varamaður í heimastjórn Borgarfjarðar.

Samþykkt samhljóða með handauppréttingu.

Til máls tóku: Vegna liðar 7, Ásrún Mjöll Stefánsdóttir, Þröstur Jónsson, til andsvara kom Ásrún Mjöll Stefánsdóttir.

Lagt fram til kynningar.

Til máls tóku: Vegna liðar 3, Þröstur Jónsson, Ásdís Hafrún Benediksdóttir, Berglind Harpa Stefánsdóttir og Helgi Hlynur Ásgrímsson. Vegna liðar 5, Ásdís Hafrún Benediktsdóttir.

Lagt fram til kynningar

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Til máls tóku: Vegna liðar 6, Þröstur Jónsson, Ívar Karl Hafliðason, Eyþór Stefánsson, Ásrún Mjöll Stefánsdóttir, Ásdís Hafrún Benediktsdóttir, Berglind Harpa Svavarsdóttir, Ásrún Mjöll Stefánsdóttir, Vilhjálmur Jónsson, Helgi Hlynur Ásgrímsson, Þröstur Jónsson, til andsvara Ásrún Mjöll Stefánsdóttir og Jónína Brynjólfsdóttir.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Til máls tóku: Vegna liðar 6, Eyþór Stefánsson, Ásrún Mjöll Stefánsdóttir, Þröstur Jónsson, Berglind Harpa Stefánsdóttir, Helgi Hlynur Ásgrímsson og Ívar Karl Hafliðason.

Lagt fram til kynningar.

Lagt fram til kynningar.

Til máls tóku: Vegna liðar 3, Þröstur Jónsson, Jónína Brynjólfsdóttir, Berglind Harpa Svavarsdóttir og Helgi Hlynur Ásgrímsson.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Skrifstofustjóri í fjarveru sveitarstjóra fór yfir og kynnti helstu mál sem sveitarstjóri hefur unnið að undanförnu og þau verkefni sem eru framundan.