Heimastjórn Borgarfjarðar

Fyrir afgreiðslu þessa dagskrárliðar vakti Ragna S. Óskarsdóttir athygli á mögulegu vanhæfi sínu og var því einróma hafnað.
Aron Thorarensen lögfræðingur sveitarfélagsins sat fundinn undir þessum lið.

Fyrir liggur bókun byggðaráðs frá 21. janúar 2025 þar sem óskað er eftir umssögn heimastjórnar vegna erinda frá Ólafi Aðalsteinssyni er varða kaup ríkisins á jörðinni Stakkahlíð í Loðmundarfirði.

Heimastjórn hefur áður tekið jákvætt í að Ólafur Aðalsteinsson eignist Stakkahlíð og vísar í fyrri umsögn sína um málið frá 10.12.2021. Heimastjórn gagnrýnir fyrirkomulag leigusamninga ríkisins þar sem leigutímabil er of stutt og leigutakar eru lattir til fjárfestinga og umbóta vegna ákvæðis um að endurbætur á jörðum fást ekki metnar að leigutíma liðnum. Heimastjórn telur mögulega lausn á málinu vera að skipta jörðinni upp í hluta og að æðarrækt verði tryggð til framtíðar með langtímasamningi.

Samþykkt samhljóða án atkvæðagreiðslu.

Heimastjórn samþykkir að fela starfsmanni að auglýsa eftir tillögum að samfélagsverkefnum í samræmi við bókun umhverfis- og framkvæmdaráðs.

Samþykkt samhljóða án atkvæðagreiðslu.

Heimastjórn Borgarfjarðar þakkar erindið og telur brýnt að fundin verði varanleg lausn á landvörslu á Víknaslóðum.
Málið áfram í vinnslu.

Heimastjórn Borgarfjarðar leggur til að hámarkshraði innan þéttbýlis Borgarfjarðar verði alls staðar 30 km/klst. Enn fremur verði hugað að umferðarhraða við aðkomu að þorpinu við Geitland.

Samþykkt samhljóða án atkvæðagreiðslu.

Heimastjórn Borgarfjarðar ítrekar nauðsyn þess að vetrarþjónustu sé sinnt sjö daga vikunnar þegar aðstæður krefjast þess. Borgarfjörður er eini þéttbýlisstaður landsins með fleiri en 100 íbúa sem þurfa um fjallveg að fara fyrir margs konar þjónustu, hvar vetrarþjónustu er ekki sinnt daglega.
Hvað varðar almenningssamgöngur tekur heimastjórn ekki undir sjónarmið Vegagerðarinnar um að ferðir yfir Vatnsskarð eystra teljist innanbæjarakstur og skorar á Vegagerðina að tryggja að gerður verði aftur samningur um almenningssamgöngur milli Borgarfjarðar og Egilsstaða.

Samþykkt samhljóða án atkvæðagreiðslu.

Heimastjórn Borgarfjarðar gerir ekki athugasemdir við drögin.

Samþykkt samhljóða án atkvæðagreiðslu.

Starfsmaður heimastjórnar kynnti fyrirliggjandi drög að verðskrá og samþykktum fyrir Fjarðarborg. Heimastjórn samþykkir verðskrána eins og hún liggur fyrir og felur starfsmanni að klára samþykktir í samræmi við umræður á fundinum og vísa þeim svo til byggðaráðs.

Samþykkt samhljóða án atkvæðagreiðslu.

Fjarðarborg: Rætt um stöðu framkvæmda í húsinu, sem ganga ágætlega. Verið að ljúka við að stúka af aðstöðu fyrir líkamsræktaraðstöðu UMFB. Lyfta verður sett upp í húsinu í lok febrúar/byrjun mars. Áhersla lögð á að ljúka við að klæðningu framhliðar hússins og gafla fyrir sumarið. Áætluð verklok í lok árs.

Hafnarhólmi: Rætt um þær tillögur sem liggja fyrir við gjaldtöku í Hafnarhólma sem eru tvær; bílastæðagjald eða gjaldhlið við Hólmann.

Húsnæðismál: Sala á Þórshamri gengin í gegn. Verið að klára að tæma Hreppsstofu og í framhaldi fer það hús á sölu.

Umhverfismál: Rætt um drög að framtíðarleiksvæði fyrir börn á grænu svæði milli Fjarðarborgar, Sparkhallar og grunnskóla. Endurnýjun gangstétta við þorpsgötu hefst í sumar.