Skýrsla fulltrúa sveitarstjóra á Borgarfirði

Endurbygging gömlu löndunarbryggju: Hafnadeild Vegagerðarinnar vinnur nú að hönnun vegna endurbyggingar gömlu löndunarbryggjunnar sem er orðin afar illa farin. Haldinn var fróðlegur og góður fundur sl. föstudag, 30. maí með sjómönnum þar sem farið var yfir nokkrar af tillögum VG. Stefnt er á að ljúka hönnunarvinnu og efnispöntun í sumar og verkið fari í útboð í haust og framkvæmdin fari fram á 2026.

Hafnarhólmi: Unnið að uppsetningu búnaðar vegna gjaldtöku í Hafnarhólma. Verkið hefur tafist en stefnt á að gjaldtaka hefjist um miðjan júní.

Vegaframkvæmdir á Hafnarvegi: Áætlað er að klæðing verði lögð á í júní.

Bílastæði við Brúnavíkurleið: Sveitarfélagið, Ferðamálahópur Borgarfjarðar, Ferðafélag Fljótsdalshéraðs, landeigendur Hafnarlandsins og Vegagerðin eiga í samtali um bílastæðið við upphaf gönguleiðarinnar um Brúnavíkurskarð sem var fjarlægt við vegaframkvæmdir. Vonast er til að málið leysist farsællega á næstunni.

Samfélagsverkefni: Búið er að panta leiktækin fyrir leiksvæðið milli Fjarðarborgar, Sparkhallar og grunnskóla og er áætlað að þau skili sér í byrjun júlí. Stefnt er að nauðsynlegri jarðvegsvinnu í lok júní svo leiktækin komist hratt á sinn stað.

Gangstéttir: Gangstéttarlagning frestast þar til seinna í sumar en hún var áætluð núna í júní.

Íbúafundur heimastjórnar: Fundurinn verður haldinn í Fjarðarborg fimmtudaginn 12. júní næstkomandi kl. 17.30. Dagskráin verður auglýst sérstaklega.

Endurbygging gömlu löndunarbryggjunnar hefst eftir áramót, eins og fram hefur komið. Verktaki stefnir á að hefja forvinnu strax eftir áramót á starfsstöð sinni á Seyðisfirði, þ.e. forsmíða steypumót og járnabinda allt í undirstöðum og landvegg. Efnið verður svo flutt á Borgarfjörð. Fyrstu verkefni á Borgarfirði verða að fjarlægja gömlu þekjuna af bryggjunni, jarðvinna, fleygun staura og staurarekstur. Nánari dagsetningar verða kynntar síðar. Afhending á harðviði í bryggjugólf verður væntanlega í apríl 2026.
Viðbúið er að eigendur báta sem bundnir eru við löndunarbryggjuna þurfi að færa sig tímabundið um set vegna framkvæmdanna. Fulltrúi sveitarstjóra verður í nánara sambandi við þá eftir áramót vegna þessa.

Framkvæmdum er að ljúka í Fjarðarborg en þær hófust veturinn 2023. Verið er að ljúka við að klæða húsið og snurfusa innanhúss. Helstu breytingar eru að skipt hefur verið um alla glugga, inngangur í húsið verið færður til, lyftu sem stoppar á öllum fimm hæðum hússins komið fyrir, stigi færður og salerni fyrir fatlaða útbúið. Þá var aftur opnað fyrir glugga í stóra salnum og húsið málað að innan. Innréttingar í eldhúsi voru einnig endurnýjaðar að nokkru leyti og skipulagi þess breytt. Á efri hæð hússins er nú nýtt og bjart skrifstofurými fyrir u.þ.b. átta til tíu manns, kaffistofa fyrir hæðina og salerni, sem ekki var áður, og líkamsræktaraðstaða UMFB. Þá er búið að setja upp loftræstikerfi og brunakerfi í húsinu. Verklok eru um áramót. Enn á þó eftir að klára frágang í kjallara undir sviði þar sem leki kom upp síðastliðið vor, sem og að endurnýja salerni á neðri hæð en það bíður betri tíma.

Með bættri starfsaðstöðu í Fjarðarborg hefur starfsfólki á skrifstofu Múlaþings á Borgarfirði fjölgað úr einum í þrjá en í október hófu störf Anna Margrét Jakobsdóttir Hjarðar á umhverfis- og framkvæmdasviði og Þórunn Ólafsdóttir á fjölskyldusviði. Þá hafa verið gerðar breytingar á skipulagi í þjónustumiðstöð og hefur verkstjóri þjónustumiðstöðvar á Egilsstöðum nú einnig umsjón með þjónustumiðstöð á Borgarfirði. Auglýst hefur verið eftir starfskrafti í þjónustumiðstöð á Borgarfirði og rann umsóknarfresturinn út 24. nóvember.

Í Fjarðarborg geta framhalds- og háskólanemar einnig tekið sín lokapróf og verða þó nokkur slík þreytt á næstu vikum.
Vilji einstaklingar og/eða fyrirtæki kanna möguleika á að nýta skrifstofuaðstöðuna í Fjarðarborg, hvort sem er um lengri eða skemmri tíma er velkomið að hafa samband við fulltrúa sveitarstjóra. Verðskrá er að finna á þessari slóð: https://www.mulathing.is/is/stjornsysla/fjarmal/gjaldskrar#fjardarborg

Jólaskreytingar voru settar upp í vikunni fyrir fyrsta sunnudag í aðventu en um helgina var Jóladagurinn haldinn í fimmta sinn en hann er framtak íbúa og fyrirtækjaeigenda á Borgarfirði til að lyfta íbúum og nágrönnum á Stór-Borgarfjarðarsvæðinu upp í skammdeginu. Frábær skemmtun og fjölbreytt og hafi aðstandendur bestu þakkir fyrir alla sína vinnu.

Rekstur tjaldsvæðisins á Borgarfirði verður boðinn út á næstu vikum og verður auglýst sérstaklega.

Heilbrigðiseftirlit Austurlands tók sýni úr neysluvatni mánudaginn 24. nóvember síðastliðinn og kom sú mæling mjög vel út. Samkvæmt upplýsingum frá HEF veitum er þó seinkun á uppsetningu gegnumlýsingartækis við vatnstankinn vegna tafa við að koma upp nýju tæknirými þar. Lögð er áhersla á að því verði lokið í vor.

Fræðslufundir um varmadælur verða haldnir í Múlaþingi á næstu vikum fyrir tilstilli Austurbrúar og Orkustofnunar. Á Borgarfirði verður slíkur fundur haldinn fimmtudaginn 8. janúar 2026 kl. 12 í Fjarðarborg.

Lagt fram til kynningar.