Deiliskipulag, Seyðisfjörður, Hafnarsvæði

Heimastjórn telur mikilvægt að hefja vinnu við nýtt deiliskipulag á hafnarsvæði Seyðisfjarðar samhliða breytingum á aðalskipulagi. Heimastjórn felur skipulagsfulltrúa að hefja vinnu við deiliskipulagið.

Í upphafi máls nr. 9 vakti formaður (JB) máls á mögulegu vanhæfi sínu undir liðum 9 og 10 sem framkvæmdastjóri Tækniminjasafns Austurlands og fól varaformanni (ÞB) stjórn fundarins. JB gerði grein fyrir vanhæfi sínu og bar ÞB upp tillögu til atkvæðagreiðslu. Vanhæfið var samþykkt samhljóða og vék formaður af fundi við umræðu og afgreiðslu beggja mála.

Fyrir umhverfis- og framkvæmdaráði liggur vinnslutillaga breytinga á gildandi deiliskipulagi Hafnasvæðis, Fjarðarhafnar, Pálshúsreits og Öldunnar. Megin markmið breytinganna er að auka athafnarými hafnarinnar með greiðu aðgengi að hafnarkanti og tryggja öruggt svæði fyrir uppbyggingu Tækniminjasafns Austurlands.

Eftirfarandi tillaga lögð fram:
Umhverfis- og framkvæmdaráð samþykkir að vísa því til heimastjórnar Seyðisfjarðar að fyrirliggjandi vinnslutillaga verði kynnt í samræmi við 3. mgr. 40. gr. skipulagslaga nr. 123/2010.

Samþykkt samhljóða.

Í upphafi máls vakti formaður (JB) máls á mögulegu vanhæfi sínu undir málsliðnum. JB gerði grein fyrir vanhæfi sínu, opnuð var mælendaskrá og var tillagan síðan tekin til afgreiðslu. Vanhæfistillagan var samþykkt samhljóða og fól JB varaformanni Björgu Eyþórsdóttur stjórn fundarins. Í framhaldi vék JB af fundi við umræðu og afgreiðslu máls. Undir liðnum kom Sóley Valdimarsdóttir verkefnastjóri skipulagsmála inn á fundinn og fór yfir málið.

Fyrir heimastjórn lá bókun umhverfis- og framkvæmdaráðs dags.4. mars sl. er varðar breytingar á gildandi deiliskipulagi Hafnasvæðis,Pálshúsreit og Öldunnar. Markmið breytinganna er að auka athafnarými hafnarinnar með greiðu aðgengi að hafnarkanti og tryggja öruggt svæði fyrir uppbyggingu Tækniminjasafns Austurlands.

Eftirfarandi tillaga lögð fram:
Heimastjórn Seyðisfjarðar samþykkir að fyrirliggjandi vinnslutillaga verði kynnt í samræmi við 3. mgr. 40. gr. skipulagslaga nr. 123/2010 en telur að endurskoða þurfi lóðarstærðir á athafnasvæði móts Lónsleiru auk þjónustusvæðis við Hafnargötu svo hægt sé að bjóða upp á minni byggingarlóðir í bland við stærri.

Samþykkt samhljóða með handauppréttingu.

Í upphafi máls nr. 2 vakti formaður (JB) máls á mögulegu vanhæfi sínu undir liðum 2 og 3 sem framkvæmdastjóri Tækniminjasafns Austurlands og fól varaformanni (ÞB) stjórn fundarins. JB gerði grein fyrir vanhæfi sínu og bar ÞB upp tillögu til atkvæðagreiðslu. Vanhæfið var samþykkt samhljóða og vék formaður af fundi við umræðu og afgreiðslu beggja mála.

Vinnslutillaga fyrir breytingu á gildandi deiliskipulagi Hafnasvæðis, Fjarðarhafnar, Pálshúsreits og Öldunnar var kynnt í samræmi við 3. mgr. 40. gr. skipulagslaga nr. 123/2010 með athugasemdafresti til 16. apríl 2024.
Fyrir liggja umsagnir sem bárust á kynningartíma og viðbrögð við þeim, auk uppfærðrar skipulagstillögu þar sem brugðist hefur verið við ábendingum.

Málið er áfram í vinnslu.

Skipulagsfulltrúi situr fundinn undir þessum lið.
Fyrir liggur tillaga til auglýsingar vegna breytinga á deiliskipulagi Hafnasvæðis, Fjarðarhafnar, Pálshúsreits og Öldunnar á Seyðisfirði.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi skipulagstillögu og leggur til við heimastjórn Seyðisfjarðar að hún verði auglýst í samræmi við 41. gr. skipulagslaga nr. 123/2010.

Samþykkt samhljóða.

Í upphafi máls vakti formaður (JB) máls á mögulegu vanhæfi sínu undir málsliðnum. JB gerði grein fyrir vanhæfi sínu, opnuð var mælendaskrá og var tillagan tekin til afgreiðslu. Vanhæfistillagan var samþykkt samhljóða. Vék JB af fundi við umræðu og afgreiðslu málsins.

Fyrir fundinum liggur bókun umhverfis- og framkvæmdaráðs dags. 28.10.2024 er varðar tillögu til auglýsingar vegna breytinga á deiliskipulagi Hafnarsvæðis, Fjarðarhafnar, Pálshúsreits og Öldunnar á Seyðisfirði.

Eftirfarandi tillaga lögð fram:
Heimastjórn Seyðisfjarðar samþykkir fyrirliggjandi skipulagstillögu og felur skipulagsfulltrúa að láta auglýsa hana í samræmi við 41. gr. skipulagslaga.

Samþykkt samhljóða.

Eftirfarandi tillaga lögð fram:
Umhverfis- og framkvæmdaráð samþykkir að skipulagstillagan verði uppfærð til samræmis við fyrirliggjandi minnisblað og vísar henni til heimastjórnar Seyðisfjarðar til staðfestingar í samræmi við 3. mgr. 41. gr. skipulagslaga.

Tillaga um breytingu á gildandi deiliskipulagi hafnarsvæðis, Fjarðarhafnar, Pálshúsreits og Öldunnar var auglýst í samræmi við 41. gr. skipulagslaga nr. 123/2010 með athugasemdafresti til og með 1. janúar 2025.
Fyrir liggja athugasemdir sem bárust á auglýsingatíma tillögunnar ásamt drögum að umsögn um þær auk uppfærðra skipulagsgagna til staðfestingar.

Í upphafi máls vakti formaður (JB) máls á mögulegu vanhæfi sínu undir málsliðnum. JB gerði grein fyrir vanhæfi sínu, sem framkvæmdastjóri Tækniminjasafns Austurlands, opnuð var mælendaskrá og var tillagan tekin til afgreiðslu. Vanhæfistillagan var samþykkt samhljóða. Vék JB af fundi við umræðu og afgreiðslu málsins.

Eftirfarandi tillaga lögð fram:
Heimastjórn Seyðisfjarðar samþykkir fyrirliggjandi umsögn um athugasemdir ásamt uppfærðri skipulagstillögu í samræmi við 3. mgr. 41. gr. skipulagslaga nr. 123/2010.

Samþykkt samhljóða án atkvæðagreiðslu.

Eftirfarandi tillaga lögð fram:
Umhverfis- og framkvæmdaráð samþykkir heimild til frávika frá skipulagsskilmálum um viðbótargólfkóta upp á 0,25m, frá viðmiðunarreglum Vegagerðarinnar fyrir land og gólfhæð á lágsvæðum við sjó. Með vísan til 3. mgr. 43. gr. skipulagslaga nr. 123/2010 samþykkir ráðið jafnframt að víkja frá kröfum 1. og 2. mgr. sömu greinar um breytingu á deiliskipulagi og grenndarkynningu. Er það gert með vísan til þess að um svo óveruleg frávik sé að ræða í þessu tilviki að hagsmunir nágranna skerðist í engu hvað varðar landnotkun, útsýni, skuggavarp eða innsýn.
Jafnframt samþykkir ráðið að gólfkóti á Lónsleiru 5 verði 3,25 með vísan í þegar byggð hús á aðliggjandi lóðum.

Á grundvelli ofangreindrar bókunar vísar umhverfis- og framkvæmdaráð endanlegri útfærslu um gólfkóta á lóðum við Lónsleiru 1, 3, 5, 11 og 13 til afgreiðslu hjá skipulagsfulltrúa og svara erindi Tækniminjasafns Austurlands.

Samþykkt með 5 atkvæðum, 1 (PH) situr hjá.