Ályktun stjórnar FA vegna fasteignaskatta á atvinnuhúsnæði

Fyrir liggur ályktun stjórnar Félags atvinnurekenda vegna fasteignaskatta á atvinnuhúsnæði.

Eftirfarandi tillaga lögð fram:
Byggðaráð Múlaþings leggur til við sveitarstjórn að byggðaráði verði falið að gera tillögur um hvernig við ályktun stjórnar FA verði brugðist samhliða vinnu við lokafrágang fjárhagsáætlunar sveitarfélagsins á komandi hausti.

Samþykkt samhljóða án atkvæðagreiðslu

Þröstur Jónsson lagði fram eftirfarandi bókun:
Legg til að Múlaþing leiti samstarfs við FA um lækkun fasteignagjalda á atvinnuhúsnæði með hvatakerfi sem laðar fleiri atvinnufyrirtæki og starfsfólk þeirra til sveitarfélagsins sem mætti vega upp tekjutap sveitarfélagsins af fasteignagjöldum og framlögum úr jöfnunarsjóða sveitarfélaga.
Möo: Lækkun gjalda mætt með auknum fjölda greiðenda.

Fyrir liggur bókun byggðaráðs, dags. 14.06.2022, varðandi ályktun stjórnar Félags atvinnurekenda vegna fasteignaskatta á atvinnuhúsnæði.

Til máls tóku: Þröstur Jónsson, Ásrún Mjöll Stefánsdóttir, Berglind Harpa Svavarsdóttir,Jónína Brynjólfsdóttir, Helgi Hlynur Ásgrímsson og Þröstur Jónsson

Eftirfarandi tillaga lögð fram:
Sveitarstjórn Múlaþings samþykkir að fela byggðaráði að gera tillögur um hvernig við ályktun stjórnar Félags atvinnurekenda verði brugðist samhliða vinnu við lokafrágang fjárhagsáætlunar sveitarfélagsins á komandi hausti.

Samþykkt samhljóða með handauppréttingu.

Fyrir liggur erindi frá Húseigendafélaginu, Landsambandi eldri borgara og Félagi atvinnurekenda þar sem skorað er á ríki og sveitarfélög að grípa til aðgerða til að hindra að gífurlegar verðhækkanir á fasteignamarkaði leiði til mikilla hækkana fasteignagjalda á eignir fólks og fyrirtækja.

Eftirfarandi tillaga lögð fram:
Byggðaráð Múlaþings samþykkir að vísa fyrirliggjandi erindi frá Húseigendafélaginu, Landsambandi eldri borgara og Félagi atvinnurekenda til sveitarstjórnar til umfjöllunar.

Samþykkt samhljóða án atkvæðagreiðslu.

Fyrir liggur erindi, dagsett 21.09.2022, frá Félagi atvinnurekenda, Húseigendafélaginu og Landsambandi eldri borgara þar sem skorað er á ríki og sveitarfélög að grípa til aðgerða til að hindra að gífurlegar verðhækkanir á fasteingamarkaði leiði til mikilla hækkana fasteignagjalda á eignir fólks og fyrirtækja.

Til máls tóku: Berglind Harpa Svavarsdóttir og Þröstur Jónsson

Lagt fram til kynningar.