Umhverfis- og framkvæmdaráð Múlaþings

Verkefnastjóri umhverfismála kynnir drög að hreinsunarátaki 2023.

Lagt fram til kynningar.

Fyrir umhverfis- og framkvæmdaráði liggur tillaga að samþykkt um hænsnahald í þéttbýli í Múlaþingi. Samþykktin byggir á samskonar samþykkt sem í gildi var á Fljótsdalshéraði.
Verkefnastjóri umhverfismála situr fundinn undir þessum lið.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi tillögu með fyrirvara um þær breytingar sem ræddar voru á fundinum og vísar henni að til sveitarstjórnar til afgreiðslu.

Samþykkt samhljóða.

Undir þessum lið vakti Björgvin Stefán Pétursson máls á vanhæfi sínu sem framkvæmdastjóri Yggdrasill Carbon. Formaðr úrskurðaði um augljóst vanhæfi. Björgvin vék af fundi við umfjöllun og afgreiðslu málsins.

Fyrir umhverfis- og framkvæmdaráði liggur umsókn um framkvæmdaleyfi frá Yggdrasill Carbon ehf. vegna fyrirhugaðrar skógræktar í landi Davíðsstaða. Sótt er um leyfi til ræktunar á 130 ha skógi en í gildandi deiliskipulagi frá árinu 2021 og Aðalskipulagi Fljótsdalshéraðs 2008-2028 er þar gert ráð fyrir 50 ha skógræktarsvæði.
Skipulagsfulltrúi situr fundinn undir þessum lið.

Málið er í vinnslu.

Fyrir umhverfis- og framkvæmdaráði liggur að fjalla um útfærslu á samfélagsverkefnum heimastjórna.

Eftirfarandi tillaga lögð fram:
Umhverfis og framkvæmdaráð samþykkir að óska eftir hugmyndum heimastjórna að samfélagsverkefnum í samræmi við fjárhagsáætlun og umræður á fundinum og felur framkvæmda- og umhverfismálastjóra að fylgja málinu eftir til formanna heimastjórna.

Samþykkt samhljóða.

Verkefnastjóri með lagningu ljósleiðara á Seyðisfirði kynnir stöðu fyrirhugaðrar framkvæmdar.

Lagt fram til kynningar.

Framkvæmda- og umhverfismálastjóri fer yfir helstu verkefni sem eru í gangi.

Lagt fram til kynningar.

Fyrir umhverfis- og framkvæmdaráði liggur umsagnarbeiðni frá umhverfis- og samgöngunefnd Alþingis um frumvarp til laga um breytingu á hafnalögum, nr. 61/2003, 712. mál. Umsögnum skal skilað eigi síðar en 9. mars næstkomandi.

Eftirfarandi tillaga lögð fram:
Umhverfis- og framkvæmdaráð telur ekki tilefni til þess að gera athugasemd að svo stöddu en hvetur alla áhugasama til að koma athugasemdum á framfæri í samráðsgátt stjórnvalda.

Samþykkt samhljóða.