Heimastjórn Djúpavogs

Að mati heimastjórnar er best að staðsetja hleðslustöð Tesla við bílaplanið í Blánni (við slökkvistöð) og telur nauðsynlegt að samhliða úthlutun lóðar undir þá starfsemi verði lagður vegur að sunnaverðu að tjaldsvæði og göngustíugur að miðbæ Djúpavogs, jafnframt er nauðsynlegt er að gera heildarskipulag fyrir svæðið.

Samþykkt samhljóða.

Heimastjórn samþykkir að taka þetta fyrir á næsta fundi eftir að hafa farið yfir skýrsluna.

Samþykkt samhljóða.

Heimastjórn tekur undir athugasemdir íbúa um umbætur á sorphirðu og vetrarþjónustu í dreyfbýli.

Samþkkt samhljóða.

Að mati heimastjórnar eiga samkeppnissjónarmið þau sem Fjölskylduráð bendir á ekki við á Djúpavogi þar sem einungis er ein líkamsræktarstöð og er hún í eigu sveitarfélagsins.

Varðandi jafnræði íbúa þá er öllum er ljóst að byggðarlög sveitarfélagsins eru ekki eins og við sameininguna var lögð áhersla á að hvert þeirra myndi fá að njóta sinnar sérstöðu. Það megi þá jafnframt líta á það sem mismunun að ekki séu í boði sömu valkostir til afþreyingar í öllum byggðarlögum og að opnunartími opinberra stofnana og þjónustu sé ekki allstaðar sá sami og því sé eðlilegt að ungmenni á Djúpavogi njóti þeirrar sérstöðu að fá frían aðgang að líkamsrækt.

Heimastjórn hvetur Fjölskylduráð til þess að endurskoða sína afstöðu í þessu máli og samhliða því að flýta sem kostur er þeirri vinnu sem er í gangi varðandi samræmingu á gjaldskrám og aðgengi að íþróttamiðstöðvum í Múlaþingi.

Samþykkt samhljóða.

Stefnt er að því að funda með fulltrúum Austurbrúar og áhugasömum aðilum í janúar.

Heimastjórn telur bæði mikilvægt og brýnt að tryggja aðgengi akandi umferð að fjörunni út á sanda.

Heimastjórn felur starfmanni að kalla Umhverfis- og framkvæmdamálastjóra á fund til að fara yfir þá kosti sem eru í boði.

Samþykkt samhljóða.

Heimastjórn fagnar því að unnið sé í undirbúningi á uppbyggingu á heilsársvegi yfir Öxi.

Heimastjórn áréttar þó fyrri bókanir sínar um að farið verði í uppbyggingu á þessum 20 km vegi sem allra fyrst og bendir á að á síðasta ári (2024) hafi tæplega 100 þúsund bílar ekið yfir Öxi.

Heimastjórn beinir því til sveitastjórnar að taka málið upp á næsta fundi og þrýsta á nýjan ráðherra samgöngumála að koma uppbyggingu á Axarvegi á dagskrá sem allra fyrst.

Samþykkt samhljóða.

Heimastjórn beinir því til sveitarstjórnar að heimild um helmingakostnað við vetrarþjónustu verði nýtt til að halda Axarvegi opnum eins mikið og mögulegt er, því frá og með 5. janúar til 20. mars ber Vegagerðinni ekki að opna veginn samkvæmt G-reglu Vegagerðarinnar í vetrarþjónustu.

Heimastjórn beinir því einnig til samgönguyfirvalda að endurskoða forsendur vetrarþjónustu því að það sé með öllu óásættanlegt að dagatöl stjórni því hvort vegurinn er opnaður eða ekki. Þegar tíðarfar er gott ætti skylirðislaust að halda Axarvegi opnum, samanber grein Heimastjórnar í Bændablaðinu frá því í nóvember 2023. Núna sé snjór með allra minnsta móti og kostnaður við opnun því sáralítill.

Samþykkt samhljóða.

Vatnsveita: Töluverðar tafir hafa orðið á vatnsveituframkvæmdum vegna seinkunar á afhendingu á búnaði frá birgjum. Vatnslaust varð á Djúpavogi þann 4. janúar síðastliðin og var orsök þess að safnþró við inntökumannvirki vatnsveitunar inni á Búlandsdal fór að leka. Tókst að laga það til bráðabirgða en ljóst að mjög mikilvægt er að klára nýja vatnsveitu sem allra fyrst. Vonir standa til þess að það klárist öðru hvoru megin við komandi helgi.

Hafnarframkvæmdir: Tafir hafa orðið á vinnu við rafmagnstengingar og vatn, en framkvæmdaaðilar hafa lofað að vinna við lokafrágang fari af stað í byrjun janúar.

Undirbúningur við hafnarhús við trébryggju eru hafnar.