Heimastjórn Seyðisfjarðar

Eftirfarandi tillaga lögð fram:
Í ljósi þess að SVN hefur ákveðið að leggja Gullver NS12, minnir heimastjórn á tillögur samráðshóps um framtíðaruppbyggingu atvinnulífs á Seyðisfirði sem kynntar voru í apríl 2024. Mikilvægt er að vinna SVN og Múlaþings varðandi þessi verkefni haldi áfram með það að markmiði að þau raungerist. Starfsmanni falið að koma þessu á framfæri við sveitarstjóra.

Samþykkt samhljóða með handauppréttingu.

Eftirfarandi tillaga lögð fram:
Heimastjórn tekur undir að ástand hleðslunnar á Lóninu er orðið lélegt, á köflum hættulegt og þarfnast viðgerðar. Heimastjórn vísar erindinu til umfjöllunar, annarsvegar til hafnarstjórnar er varðar hleðsluna og hins vegar til umhverfis- og framkvæmdaráðs er varðar umhverfi Lónsins og ástand Norðurgötunnar.
Heimastjórn bendir á að bæði þessi verkefni hafa ítrekað verið í forgangi á verkefnalista heimastjórnar, einnig hefur heimastjórn viljað koma þeim í fjárfestingaráætlun sveitarfélagsins.

Samþykkt samhljóða með handauppréttingu.

Eftirfarandi tillaga lögð fram:
Þökkum við Öldu Marín fyrir komuna og yfirferðina á hugsanlegu breyttu fyrirkomulagi rekstrar tjaldsvæðanna í Múlaþingi.
Heimastjórn leggur til að farin verði leið a) sem rætt er um í minnisblaðinu vegna reksturs tjaldsvæðisins Seyðisfirði á næsta ári.
Jafnramt leggur heimastjórn ríka áherslu á að strax verði tekin ákvörðun um framtíðarstaðsetningu tjaldsvæðisins og hún tryggð í skipulagi svo hægt verði að taka nýtt tjaldsvæði í notkun árið 2027. Heimastjórn telur skynsamlegt að bíða með ákvörðun um rekstrarform tjaldsvæðisins þar til endanleg staðsetning liggur fyrir.

Samþykkt samhljóða með handauppréttingu.

Heimastjórn þakkar Elsu fyrir góða kynningu og fagnar framkomnum áformum um fyrirkomulag á rekstri bókasafna Múlaþings.

Eftirfarandi tillaga lögð fram:
Heimastjórn samþykkir að færa næsta fund til miðvikudagsins 5.nóvember.

Samþykkt samhljóða með handauppréttingu.

Eftirfarandi tillaga lögð fram:
Heimastjórn stefnir á að hafa íbúafund 28.október næstkomandi. Starfsmanni falið að undirbúa og auglýsa fundinn.

Samþykkt samhljóða með handauppréttingu.

Baugur Bjólfs: Hið glæsilega mannvirki Baugur Bjólfs sem MVA byggingarverktakar hafa unnið svo snyrtilega og vel að síðustu tvö ár er nú lokið. Einhver frágangur og jarðvinna er eftir, sem og bílastæði. Stefnt er að gera sem mest af frágangi núna í haust. Verið er að skoða leiðir til að fjármagna lagfæringar á veginum að bílastæðinu, sem og göngustígnum frá bílastæðinu að Bjólfinum. Mjög vel hefur tekist til með þetta verkefni og verktökum hrósað fyrir hvernig til hefur tekist m.a að láta bauginn falla mjög vel inn í umhverfið.

Íþrótta og tómstundastyrkir: Enn er hægt að sækja um íþrótta- og tómstundastyrki Múlaþings og er umsóknarfrestur til og með 15. október nk. Veittir eru styrkir til einstaklinga, hópa, félagasamtaka, fyrirtækja og stofnana til íþrótta- og tómstundatengdra verkefna.

Menningastyrkir: Frestur til að sækja um styrki í seinni úthlutun menningarstyrkja Múlaþings rann út 31. ágúst sl. Til úthlutunar þetta haustið voru 2.075.000 kr. Hæstu styrkir námu að þessu sinni 250.000 kr og lægsti 60.000 kr. Menningarstyrkir sem tengdust Seyðisfirði og fengu úthlutun voru:
Arndís Ýr Hansdóttir - Nafn verkefnis: Flat Earth Film Festival 2025 180.000 kr.
Jafet Bjarkar Björnsson - Nafn verkefnis: Yoga Moves - Klifurfestival á Seyðisfirði 2026 90.000 kr.
Katla Rut Pétursdóttir - Nafn verkefnis: Skáldasuð - Systrahátíðin Skáldaþing 250.000kr.
Linus Lohmann - Nafn verkefnis: Einkasýning í Sláturhúsinu í október 2025 210.000 kr
Skaftfell - Nafn verkefnis: Skaftfell- tilurðarsaga 200.000 kr.
Tækniminjasafn Austurlands - Nafn verkefnis: Afturgöngur í Vjelsmiðjunni 200.000 kr.