Sveitarstjórn Múlaþings

Fyrir liggja bókanir frá fundum ungmennaráðs Múlaþings, dags. 17.04.23, og byggðaráðs Múlaþings, dags. 25.04.23, varðandi breytingu á erindisbréfum ungmennaráðs og heimastjórna.

Til máls tóku: Hildur Þórisdóttir,Berglind Harpa Svavarsdóttir og Eyþór Stefánsson.

Eftirfarandi tillögur lagðar fram:
Sveitarstjórn Múlaþings samþykkir tillögu ungmennaráðs varðandi breytingar á 8. gr. erindisbréfs ungmennaráðs og felur skrifstofustjóra að sjá um uppfærslu erindisbréfs ungmennaráðs.

Sveitarstjórn Múlaþings staðfestir afgreiðslu byggðaráðs um að erindisbréf heimastjórna verði uppfærð í samræmi við fyrirliggjandi tillögur. Sveitarstjórn felur skrifstofustjóra að sjá um uppfærslu erindisbréfs heimastjórna.

Samþykkt með 9 atkvæðum, einn sat hjá (ÁMS)einn á móti (ES)

Fyrir liggur bókun frá fundi byggðaráðs Múlaþings, dags. 25.04.23, varðandi gjaldskrá fyrir félagsheimilið Hjaltalund.

Eftirfarandi tillaga lögð fram:
Að tillögu byggðaráðs staðfestir sveitarstjórn Múlaþings fyrirliggjandi tillögu að gjaldskrá fyrir félagsheimilið Hjaltalund.


Samþykkt samhljóða með handauppréttingu.

Fyrir liggur að taka ákvörðun um sumarleyfi sveitarstjórnar.

Eftirfarandi tillaga lögð fram:
Sveitarstjórn Múlaþings samþykkir að sumarleyfi sveitarstjórnar verði frá fundi þess 14. júní 2023 og til og með 4. ágúst 2023. Byggðaráð mun fara með fullnaðarafgreiðsluheimild mála þann tíma, sbr. 32. gr. samþykkta um stjórn Múlaþings. Fyrsti fundur sveitarstjórnar að afloknu sumarleyfi verði haldinn 16. ágúst.


Samþykkt samhljóða með handauppréttingu.

Fyrir liggur bókun frá fundi fjölskylduráðs Múlaþings, dags. 04.04.23, varðandi reglur um skólaakstur í Múlaþingi.

Til máls tóku: Eyþór Stefánsson, Einar Freyr Guðmundsson,Eyþór Stefánsson með andsvar,Berglind Harpa Svavarsdóttir, Þröstur Jónsson og Eyþór Stefánsson með andsvar

Eftirfarandi tillaga lögð fram:
Að tillögu fjölskylduráðs staðfestir sveitarstjórn Múlaþings fyrirliggjandi tillögur að reglum um skólaakstur í Múlaþingi og felur fræðslustjóra að virkja þær.


Samþykkt samhljóða með handauppréttingu.

Fyrir liggur minnisblað frá skrifstofustjóra varðandi staðfestingu v/ búsetuskipta í Mýnesi samkv. 36. grein Jarðarlaga.

Eftirfarandi tillaga lögð fram:
Sveitarstjórn Múlaþings staðfestir að ábúendur í Mýnesi, þau Guðjón Einarsson og Erla Þórhildur Sigurðardóttir, hafa setið jörðina vel og mælir sveitarstjórn með því að þau fái jörðina keypta. Umræddir ábúendur eiga lögheimili í Mýnesi og hafa búið þar frá 1975. Á umræddri jörð stunda ábúendur ekki búskap en ástand íbúðarhúss er í góðu lagi, en fjós og hlaða frá 1950 eru úreld.


Samþykkt samhljóða með handauppréttingu.

Fyrir liggur að Sunna Dögg Markvad Guðjónsdóttir hefur beðist lausnar sem varamaður í sveitarstjórn Múlaþings.

Eftirfarandi tillaga lögð fram:
Sveitarstjórn Múlaþings samþykkir að verða við ósk Sunnu Markvad Guðjónsdóttur um lausn sem varamaður í sveitarstjórn Múlaþings.


Samþykkt samhljóða með handauppréttingu.

Fyrir liggur bókun frá fundi byggðaráðs Múlaþings, dags. 02.05.23, varðandi breytingu á samþykktum byggðasamlagsins Ársala bs.

Eftirfarandi tillaga lögð fram:
Sveitarstjórn Múlaþings samþykkir tillögu aðalfundar Ársala bs., dags. 24.04.2023, er varðar leiðréttingu á 5.gr. samþykkta byggðasamlagsins Ársala bs.


Samþykkt samhljóða með handauppréttingu.

Fyrir liggur bókun frá fundi byggðaráðs Múlaþings, dags. 02.05.23, varðandi tillögu aðalfundar Skólaskrifstofu Austurlands.

Eftirfarandi tillaga lögð fram:
Sveitarstjórn Múlaþings samþykkir tillögu aðalfundar Skólaskrifstofu Austurlands., dags. 28.03.2023, varðandi það að öllum rekstri byggðasamlagsins verði hætt í árslok 2023 og því slitið á grundvelli stöðu og efnahags í árslok 2023.


Samþykkt samhljóða með handauppréttingu.

Auglýsingu tillögu vegna breytinga á Aðalskipulagi Fljótsdalshéraðs 2008-2028 fyrir akstursíþróttasvæði undir Skagafelli á Eyvindarárdal er lokið. Ein athugasemd barst á auglýsingatíma og liggur fyrir sveitarstjórn að taka hana til umfjöllunar.

Eftirfarandi tillaga lögð fram:
Sveitarstjórn Múlaþings samþykkir fyrirliggjandi drög að svörum við athugasemd þeirri er barst við tillögu að breytingu á Aðalskipulagi Fljótsdalshéraðs 2008-2028 vegna akstursíþróttasvæðis í Skagafelli.


Samþykkt samhljóða með handauppréttingu.

Fyrir liggur breyting á Aðalskipulagi Fljótsdalshéraðs 2008-2028 vegna efnisnáma við Axarveg sem var auglýst og lauk auglýsingatíma 04.05.2023 og bárust engar athugasemdir.

Eftirfarandi tillaga lögð fram:
Sveitarstjórn samþykkir fyrirliggjandi tillögu að breyttu Aðalskipulagi Fljótsdalshéraðs 2008-2028 vegna efnisnáma við Axarveg og felur skipulagsfulltrúa framkvæmd málsins.


Samþykkt samhljóða með handauppréttingu.

Til umfjöllunar er staða mála varðandi framtíð Reykjavíkurflugvallar.

Til máls tóku: Berglind Harpa Svavarsdóttir,Eyþór Stefánsson sem lagði fram tillögu við fyrirliggjandi tillögu. Berglind Harpa Svavarssdóttir,Jónína Brynjólfsdóttir,Þröstur Jónsson sem lagði einnig fram breytingartillögu við fyrirliggjandi tillögu. Hildur Þórisdóttir,Eyþór Stefánsson sem bar upp fyrirspurn, Ásrún M Stefánsdóttir sem bar upp fyrirspurn, Vilhjálmur Jónsson, Jónína Brynjólfsdóttir sem svaraði fyrirspurn Eyþórs Stefánssonar, Berglind Harpa Svavarsdóttir sem svaraði fyrirspurnum Eyþórs Stefánssonar og Ásrúnar M Stefánsdóttur. Eyþór Stefánsson með andsvar og bar upp aðra fyrirspurn,Helgi Hlynur Ásgrímsson og Berglind Harpa Svavarsdóttir sem kom með andsvar við fyrirspurn Eyþórs Stefánssonar, Þröstur Jónsson, Ásrún Mjöll Stefánsdóttir og Eyþór Stefánsson með andsvar og Ívar Karl Hafliðason

Þröstur Jónsson lagði fram eftirfarandi tillögu:
Sveitarstjórn Múlaþings fagnar því að Reykjavíkurborg rær öllum árum að því að afsala sér réttinum til að vera höfuðborg Íslands með stöðugri aðför að Reykjavíkurflugvelli. Af því má marka að sveitarstjórn Reykjavíkur vill ekki að Reykjavík sé áfram höfuðborg og vilji losna við Reykjavíkurflugvöll ásamt öðrum nauðsynlegum innviðum er tilheyra höfuðborg.

Því óskar sveitarstjórn Múlaþings eftir viðræðum við Reykjavíkurborg um að Múlaþing taki við keflinu sem höfuðborg Íslands og einnig viðræðum við ríkisstjórn Íslanda að samhliða höfuðborgarflutningnum verði Reykjavíkurflugvöllur og aðrir ríkis-innviðir sem prýða góða höfuðborg verði fluttir til Múlaþings og að framkvæmdir við "Borgarlínu" þ.e. Axarveg og Fjarðarheiðargöng auk Lagarfljótsbrúar verði þegar hafnar svo "Múlaborg" verði í stakk búin að taka við höfuðborgar-hlutverkinu.

3 greiddu henni atkvæði (ÞJ,HHÁ)2 sátu hjá (ES,HÞ) 6 voru á móti


Eftirfarandi tillaga Eyþórs Stefánssonar fulltrúa L-lista lögð fram:
Múlaþing lýsir yfir þungum áhyggjum vegna ákvörðun Innviðaráðuneytisins og Reykjavíkurborgar um uppbyggingu í Skerjafirði. Með ákvörðuninni er samkomulag ríkisins og Reykjavíkurborgar frá 2019 haft að engu þar sem forsenda þess var að tryggja rekstraröryggi Reykjavíkurflugvallar þar til nýr flugvöllur er tilbúinn til notkunar.
Reykjavíkurflugvöllur sinnir mikilvægu hlutverki og er lífæð landsbyggðanna. Með uppbyggingu í Skerjafirði er vegið að framtíð og öryggi landsbyggðanna gagnvart sjúkraflugi og nauðsynlegri heilbrigðisþjónustu sem og aðgengi almennings, atvinnulífi og stjórnsýslu að mikilvægum innviðum.
Múlaþing skorar á borgarstjórn og Innviðaráðherra að fresta ákvörðuninni þar til að sú vinna sem lagt var upp með í fyrrgreindu samkomulagi sé lokið og framtíðarlausn innanlandsflugs tryggð.

4 greiddu henni atkvæði(ES,HÞ,HHÁ,ÁMS) einn sát hjá(ÞJ) 6 voru á móti.


Eftirfarandi tillaga lögð fram:
Sveitarstjórn Múlaþings leggur áherslu á mikilvægi Reykjavíkurflugvallar fyrir innanlands- og millilandaflug enda er Reykjavíkurflugvöllur aðgengi almennings, atvinnulífs og stjórnsýslu að mikilvægum innviðum landsins.

Reykjavíkurflugvöllur sinnir einnig því mikilvæga hlutverki að um hann fer sjúkraflug fyrir sjúklinga sem geta ekki sótt læknisþjónustu í héraði og þurfa því að ferðast landshorna á milli til að fá nauðsynlega aðstoð og er þá oft um bráðaþjónustu að ræða.

Í gildandi samgönguáætlun fyrir árin 2020-2034 kemur fram að miða skuli við að Reykjavíkurflugvöllur geti áfram þjónað innanlandsflugi á fullnægjandi hátt á meðan annar jafn góður eða betri kostur er ekki fyrir hendi. Því er mikilvægt að tryggja flug- og rekstraröryggi flugvallarins.

Sveitarstjórn Múlaþings hvetur Reykjavíkurborg til að standa við samkomulag ríkis og borgar frá árinu 2019 og áréttar að ekki verði farið í uppbyggingu sem gæti haft áhrif á flug- og rekstraröryggi flugvallarins.


Samþykkt með 7 atkvæðum, 4 sátu hjá (HÞ,ÁMS,HHÁ,ÞJ)

Formenn heimastjórna fóru yfir helstu málefni sem verið hafa til umfjöllunar hjá viðkomandi heimastjórn og kynntu fyrir sveitarstjórn.

Lagt fram til kynningar.

Til máls tók vegna liðar 1,Þröstur Jónsson sem bar upp fyrirspurn, Vilhjálmur Jónsson sem svaraði fyrirspurn Þrastar Jónssonar, Jónína Brynjólfsdóttir sem svaraði einnig fyrirspurn Þrastar Jónssonar. Helgi Hlynur Ásgrímsson, Vilhjálmur Jónsson, Ásrún Mjöll Stefánsdóttir, Þröstur Jónsson

Lagt fram til kynningar.

Lagt fram til kynningar.

Til máls tóku: Vegna liðar 1,Hildur Þórisdóttir, Þröstur Jónsson, Ívar Karl Hafliðason, Vilhjálmur Jónsson og Ásrún Mjöll Stefánsdóttir. Liðar 5, Ásrún Mjöll Stefánsdóttir, Ívar Karl Hafliðason og Þröstur Jónsson með andsvar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Sveitarstjóri fór yfir og kynnti helstu mál sem hann hefur unnið að undanförnu og þau verkefni sem eru framundan