Umhverfis- og framkvæmdaráð Múlaþings

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi drög að breytingum á gjaldskrá og vísar henni til staðfestingar hjá sveitarstjórn.

Samþykkt samhljóða.

Lagt fram til kynningar.

Eftirfarandi tillaga lögð fram:
Umhverfis- og framkvæmdaráð leggur til við byggingarfulltrúa að hafna umsókn um byggingarleyfi í samræmi við fyrirliggjandi aðaluppdrætti þar sem fyrirhugað gestahús er staðsett 1m frá lóðamörkum. Aðliggjandi svæði er skilgreint sem athafnasvæði og því fylgir umferð stórra ökutækja eftir vegi sem er aðeins í 1m fjarlægð frá fyrirhuguðu mannvirki.
Ráðið hvetur málsaðila til að skoða aðrar staðsetningar innan lóðarinnar þar sem miðað verður við 3m fjarlægð frá lóðamörkum.

Samþykkt samhljóða.

Eftirfarandi tillaga lögð fram:
Umhverfis- og framkvæmdaráð felur framkvæmda- og umhverfismálastjóra að vinna áfram að viðbyggingu við leikskólann Bjarkartún. Áfanganum verði skipt í verkþætti og samið við Fiskeldissjóð um í hvaða verkþætti styrkurinn 2025 rennur. Þar sem ekki fékkst styrkur fyrir öllum verkþáttum að þessu sinni verður sótt um í sjóðinn að nýju árið 2026.

Umhverfis- og framkvæmdaráð harmar að ekki hafi fengist úthlutað úr sjóðnum til byggingar þjónustmiðstöðvar og hafnarhúss á Djúpavogi og vill beina þeim tilmælum til stjórnvalda að endurskoða umgjörð þess hvernig sveitarfélög fá tekjur af fiskeldi.

Málinu vísað til kynningar hjá heimastjórn Djúpavogs.

Samþykkt samhljóða.

Eftirfarandi tillaga lögð fram:
Umhverfis- og framkvæmdaráð þakkar fyrir erindið en getur ekki orðið við beiðninni.

Samþykkt samhljóða.

Fundargerðir lagðar fram til kynningar.

Kostnaðar- og viðhaldsáætlanir verða teknar til umfjöllunar síðar, í tengslum við stöðu fjárfestingaráætlunar ársins.

Áheyrnarfulltrúi M-lista (BVW) leggur fram eftirfarandi tillögu:
Umhverfis- og framkvæmdaráð Múlaþings, samþykkir að leggja til að sveitarstjóri Múlaþings, Dagmar Ýr Stefánsdóttir, leggi ríka áherslu á það við Jóhann Pál Jóhannsson umhverfis-, orku- og loftslagsráðherra, að nýta núverandi raforku á Austurlandi og þá aukningu á raforku sem verði aflað í fjórðungnum, til styrktar atvinnulífi Austurlands.

Fiskvinnslan þarf trygga raforku svo ekki þurfi að kynda bræðslur með olíu og mikilvægt er að geta afhent farþegaskipum rafmagn við landfestar svo þau þurfi ekki að menga umhverfið í þröngum fjörðum á Austurlandi.

Benda má jafnframt á, að dreifikerfi Landsnets á Austurlandi er orðið eitt best búna dreifikerfi Landsnets með umfram burðagetu og enn er Landsnet að vinna að styrkingu dreifikerfisins í fjórðungunum til að mynda með tengingu Fljótsdalslínu við tengivirkið á Hryggstekk. Það má því hæglega afhenda mikið magn orku (allt að 50 MW) við tengivirkið í Hryggstekk og jafnvel við Eyvindrá einnig.

Það hlýtur að vera þjóðhagslega hagkvæmt að nýta orkuna við þessa tengipunkta fremur en að flytja hana vestur eða suður á land, með mun kostnaðarsamri styrkingu dreifikerfis frá Kröflu að Blöndu. Slíkur "langflutningur" mun einnig auka á töp í kerfinu. Auk þess leggur M-listinn til, að sveitarfélagið geri það sem í þeirra valdi stendur að upplýsa hugsanlega orkukaupa um þessi innviðagæði á Austurlandi og þá sérstaklega um gæðin í Múlaþingi.

Í aðdraganda framkvæmda við Fljótsdalsvirkjun var ítrekað rætt um að Austurland hefði forgang að raforkunni og tímabært að standa nú við gefin fyrirheit, rúmum aldarfjórðungi frá því að þau voru gefin úr ræðustól Alþingis af Valgerði Sverrisdóttur Iðnaðarráðherra, þann 08. apríl 2002. „Ég hef haldið því fram og get ítrekað það hér að orkan sem verður til við virkjun þessara vatnsfalla verður nýtt á Austurlandi.“

Tillagan var felld með 7 atkvæðum.


Eftirfarandi tillaga lögð fram:
Umhverfis- og framkvæmdaráð gerir ekki athugasemd við framkomna umhverfismatsskýrslu Kerfisáætlunar 2025-2034.

Samþykkt samhljóða.


Áheyrnarfulltrúi M-lista (BVW) leggur fram eftirfarandi bókun:
Það er athyglivert að sveitastjórn Múlaþings hafi ekki þann metnað, fyrir hönd íbúa sinna, að nýta þá möguleika sveitarfélagsins til atvinnuuppbyggingar og öflun tekna fyrir það. Hverra hagsmuna eru kjörnir fulltrúar í Múlaþingi að gæta?